കുതിക്കാനൊരുങ്ങി നിസ്സാന്‍ ലീഫ് ഇന്ത്യയിലേക്ക്

ഒറ്റ ചാര്‍ജിങ്ങില്‍ 270 കിലോമീറ്റര്‍

ആഗോളതലത്തിൽ ഏറ്റവുമധികം വിൽപ്പനയുള്ള വൈദ്യുത കാറായ നിസ്സാൻ ലീഫ് ഇന്ത്യയിലേക്കെത്തുന്നു.ജാപ്പനീസ് നിർമാതാക്കളായ നിസ്സാന്റെ ‘ലിഫി’ന്റെ രണ്ടാം തലമുറ മോഡൽ ഈ സാമ്പത്തിക വർഷം തന്നെ ഇന്ത്യയിൽ വിൽപ്പനയ്ക്കെത്തുമെന്നാണു പ്രതീക്ഷ.ആഗോള ശ്രേണിയിൽ നിന്നുള്ള ആധുനിക മോഡലുകൾ ഇന്ത്യയിലും ലഭ്യമാക്കാനാണു കമ്പനിയുടെ നീക്കം. ഇതിന്റെ തുടക്കമെന്ന നിലയിലാണ് ‘ലീഫ് ടു’ വിൽപ്പനയ്ക്കെത്തുന്നത് .
ആദ്യഘട്ടത്തിൽ ജനങ്ങൾക്കു ‘ലീഫ്’ ഓടിച്ചു ബോധ്യപ്പെടാൻ ആവസരമൊരുക്കാനാണു നിസ്സാന്റെ പദ്ധതി
‘ലീഫ്’ കാറുകൾ റെനോ നിസ്സാൻ നിർമാണശാല സ്ഥിതിചെയ്യുന്ന ചെന്നൈയിലെത്തിച്ച് ടെസ്റ്റ് ഡ്രൈവ് നടത്തും. ഈ ഉദ്യമത്തോടുള്ള പ്രതികരണം വിലയിരുത്തിയാവും തുടർനടപടികളുണ്ടാവുക.വിദേശ നിർമിത ‘ലീഫ്’ ഇറക്കുമതി വഴിയാവും ഇന്ത്യയിൽ വിൽപ്പനയ്ക്കെത്തുക എന്നതിനാൽ കനത്ത ചുങ്കമാണു കാറിനെ കാത്തിരിക്കുന്നത്. വൈദ്യുത വാഹനമെന്ന നിലയിൽ പ്രത്യേക ഇളവുകളും ആനുകൂല്യങ്ങളുമൊന്നും ലഭ്യമായില്ലെങ്കിൽലീഫി’ന്റെ ഇന്ത്യയിലെ വില 30 — 40 ലക്ഷം രൂപ നിലവാരത്തിലെത്തുമെന്നാണു സൂചന

Subscribe to News60 :https://goo.gl/pE3hgF
Read: http://www.news60.in/
https://www.facebook.com/News60english/

nissan to bring its electric car to india.