ഗൗരി ലങ്കേഷും കല്‍ബുര്‍ഗിയും ഒരേ തോക്കിന്റെ ഇരകള്‍ ?


ഗൗരി ലങ്കേഷിനും കല്‍ബുര്‍ഗിക്കും വെടിയേറ്റത് ഒരേ തോക്കില്‍ നിന്നെന്ന്‌ ഫോറന്‍സിക് റിപ്പോര്‍ട്ട്



ഗൗരി ലങ്കേഷിനും കല്‍ബുര്‍ഗിക്കും വെടിയേറ്റത് ഒരേ തോക്കില്‍ നിന്നാണെന്ന് ഫോറന്‍സിക് പരിശോധനാഫലം.
മാധ്യമപ്രവര്‍ത്തക ഗൗരി ലങ്കേഷും എഴുത്തുകാരനും പണ്ഡിതനുമായ എംഎം കല്‍ബുര്‍ഗിയും വധിക്കപ്പെട്ടത് ഒരെതോക്കില്‍നിന്നും വന്ന വെടിയുണ്ടകള്‍ കാരണമാണെന്ന് ഉറപ്പായി. കര്‍ണാടക പോലിസ് സംഘം കോടതിയില്‍ സമര്‍പ്പിച്ച പ്രത്യേക കുറ്റപത്രത്തിലാണ് ഇക്കാര്യങ്ങള്‍ വ്യക്തമാക്കിയിരിക്കുന്നത്. 7.65 എംഎം നാടന്‍ തോക്കാണ് ഇരുവരെയും വധിക്കാന്‍ ഉപയോഗിച്ചിരിക്കുന്നതെന്നാണ് റിപ്പോര്‍ട്ടില്‍ പറയുന്നത്. 2015 ആഗസ്ത് 30ന് ആണ് കല്‍ബുര്‍ഗി വെടിയേറ്റ് കൊല്ലപ്പെടുന്നത്. 2017 സെപ്തംബര്‍ അഞ്ചിനാണ് ഗൗരി ലങ്കേഷ് ബെംഗളൂരുവിലെ അവരുടെ വസതിയില്‍ വെടിയേറ്റ് മരിച്ചു
ഇരുവരുടെയും മരണത്തിനുപിന്നില്‍ ഒരേസംഘമാണെന്ന് നേരത്തെതന്നെ സംശയം ഉണ്ടായിരുന്നെങ്കിലും അത് തെളിയിക്കുന്ന ആദ്യത്തെ ഔദ്യോഗിക തെളിവാണ് ഈ റിപ്പോര്‍ട്ട്
സനാതന്‍ സന്‍സ്ത, ഹിന്ദു ജനജാഗ്രതി സമിതി എന്നീ തീവ്രസ്വഭാവമുള്ള സംഘടനകളില്‍ പെട്ടവരാണ് പ്രതികള്‍. കെ.ടി നവീന്‍കുമാര്‍ എന്ന ഹിന്ദു യുവസേന സംഘടനയുടെ പ്രവര്‍ത്തകന്‍ അടക്കം അഞ്ചു പേര്‍ക്കെതിരെയാണ് ഗൗരി ലങ്കേഷ് വധവുമായി ബന്ധപ്പെട്ട് പോലീസ് കുറ്റപത്രം സമര്‍പ്പിച്ചിരിക്കുന്നത്. ഗൗരി ലങ്കേഷിന്റെ ശരീരത്തില്‍നിന്ന് മൂന്നു വെടിയുണ്ടകളും കല്‍ബുര്‍ഗിയുടെ ശരീരത്തില്‍നിന്ന് രണ്ട് വെടിയുണ്ടകളുമാണ് കണ്ടെത്തിയത്.
ഇതോടുകൂടി കൂടുതല്‍ പ്രതികളെ ഇരുവരുടെ മരണവുമായി ബന്ധപ്പെട്ടും അറസ്റ്റുചെയ്യാന്‍ കഴിയുമെന്നാണ് റിപ്പോര്‍ട്ടുകള്‍


Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

gouri lankesh and kalburgi were shot on same gun.