തലയുയര്‍ത്തി നാടുകാണി

നാടുകാണിയിലെ സായാഹ്ന്നം

നഗരത്തിന്റെ തിരക്കില്‍ നിന്നൊഴിഞ്ഞു മനോഹരമായ ഒരു സായാഹ്നമാണ് നിങ്ങളാഗ്രഹിക്കുന്നതെങ്കില്‍ ഒന്നും ആലോചിക്കണ്ട നേരെ നാടുകാണി പാറയിലേക്ക് പോന്നോളൂ.
തിരുവനന്തപുരം ജില്ലയിലെ പൂവച്ചല്‍ -കാട്ടക്കട പഞ്ചായത്തുകളുടെ അതിര്‍ത്തിയിലാണ് 12ഏക്കറിലേറെ വിസ്തൃതിയില്‍ ശിവ-പാര്‍വതി പാറ, ആയിരവില്ലിപാറ, ശാസ്താംപാറ എന്നിവ ചേരുന്ന നാടുകാണി പാറ സ്ഥിതി ചെയ്യുന്നത്.സമുദ്ര നിരപ്പില്‍ നിന്നും 1200 അടി ഉയരത്തിലാണ് നാടുകാണി പാറ സ്ഥിതി ചെയ്യുന്നത്. ഇവിടെ നിന്നാല്‍ അറബിക്കടലും അഗസ്ത്യകൂട മലനിരകളും ഒരുപോലെ ആസ്വദിക്കാനാകും. പ്രകൃതിസൗന്ദര്യത്തിനൊപ്പം എപ്പോഴും ചെറിയ തണുപ്പുള്ള കാലാവസ്ഥയാണ് പ്രധാന പ്രത്യേകത.
വൈകുന്നേരങ്ങളില്‍ ഇളംകാറ്റേറ്റ് ഇവിടെ നിന്നുള്ള സൂര്യാസ്തമയത്തിന്റെ ദൃശ്യം കാണാന്‍ മനോഹരമാണ്.ഔഷധ സസ്യങ്ങളും അപൂര്‍വവൃക്ഷങ്ങളും സുന്ദര കാഴ്ചകളും നിറഞ്ഞ നാടുകാണി എല്ലാ സീസണിലും സഞ്ചാരികളെ അവരുടെ ഇഷ്ടകേന്ദ്രമാക്കി മാറ്റുന്നു.
പാറയുടെ നെറുകയില്‍ നിന്നാല്‍ തിരുവനന്തപുരം നഗരത്തിന്റെ ദൂരക്കാഴ്ചയും, കോവളം കടപ്പുറവും ലൈറ്റ് ഹൗസിന്റെ മിന്നിമറയുന്ന വെളിച്ചവും കാണാനാകും. ആദിമ സംസ്കാരത്തിന്റെ മഹത്തായ അവശേഷിപ്പാണ് നാടുകാണി മല.കാണി സമുദായാമായിരുന്നു ഇവടെ അധിവസിച്ചിരുന്നത്. മലയടിവാരത്തു നിന്നും ശിലായുഗ കാലത്തെ നന്നങ്ങാടികളും ലഭിച്ചിട്ടുണ്ട്



Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

Kattakkada naadukaani paara.