ഒരു 'ബി എം ഡബ്ള്യു' ശവമടക്ക്

പിതാവിന്റെ ശവമടക്കിനായി പുതിയൊരു ബിഎംഡബ്ല്യൂ വാങ്ങുകയായിരുന്നു അസൂബിക്


ശവപ്പെട്ടിയിൽ മൃതശരീരം വച്ച് ശവമടക്ക് നടത്തുന്നത് നമ്മൾക്കെല്ലാം അറിയാം എന്നാൽ പണം കൂടിപ്പോയാൽ രീതി ഒന്ന് മാറും. പെട്ടിക്കു പകരം ബി എം ഡബ്ള്യു ആകും
ശവമടക്ക് കെങ്കേമമാക്കിക്കോളാം എന്ന് ജീവിച്ചിരുന്നപ്പോള്‍ സ്വന്തം അപ്പന് വാക്കുനല്‍കിയൊരാളാണ് നൈജീരിയയിലെ അനംബ്ര സ്വദേശി അസൂബിക് എന്ന യുവാവ്. ഒടുവില്‍ അച്ഛന്‍ മരിച്ചപ്പോള്‍ അസൂബിക് നല്‍കിയ യാത്രയയപ്പാണ് ഇപ്പോള്‍ മാധ്യമങ്ങളില്‍ ഇടംപിടിച്ചിരിക്കുന്നത്.അല്‍പം വിലകൂടിയെ പെട്ടിയില്‍ മെത്രാനച്ചന്റെ ആശിര്‍വാദത്തില്‍ ശവമടക്ക് നടത്തുകയല്ല പെട്ടിക്ക് പകരം നല്ലൊന്നാന്തരം ബിഎംഡബ്യൂ കാര്‍ ആണ് മകൻ ഉപയോഗിച്ചത് .പിതാവിന്റെ ഭൗതിക ദേഹം കാറില്‍ കിടത്തി മറവു ചെയ്തു. നാട്ടുകാര്‍ ഇതുവരെ കണ്ടിട്ടില്ലാത്ത രീതിയില്‍ പിതാവിന് യാത്രയയപ്പ് നല്‍കിയപ്പോള്‍ തന്റെ പിതാവിന് നല്‍കിയ വാക്ക് പാലിച്ച സന്തോഷത്തിലാണ് അസൂബിക്. ആഡംബരമായ ഈ ശവമടക്കിന്റെ ചിത്രങ്ങളും വാര്‍ത്തകളും ഉടന്‍ തന്നെ സോഷ്യല്‍മീഡിയയില്‍ പ്രചരിക്കുകയും ചെയ്തു.വാര്‍ത്ത വൈറലായതോടെ വ്യത്യസ്ഥ അഭിപ്രായങ്ങളും തേടിയെത്തി. പിതാവിന് നല്‍കിയ വാക്ക് പാലിച്ച മകന്‍ തന്റെ കടമ നിറവേറ്റി എന്നും അച്ഛനെ ഏറെ സ്‌നേഹിക്കുന്ന മകന്‍ എന്നുമൊക്കെ അഭിനന്ദിച്ച് ചിലര്‍ വന്നപ്പോള്‍ പണം ധൂര്‍ത്തടിച്ചതില്‍ വിമര്‍ശനവുമായി മറ്റ് ചിലരും രംഗത്തെത്തി.ഈ പണം കൊണ്ട് പാവങ്ങള്‍ക്ക് ഭക്ഷണം വാങ്ങി നല്‍കാമായിരുന്നുവെന്നും അഭിപ്രായങ്ങള്‍ വന്നു. വിമര്‍ശനങ്ങളും ആരോപണങ്ങളും വര്‍ദ്ധിക്കുമ്പോഴും താന്‍ പിതാവിന് നല്‍കിയ വാക്ക് പാലിച്ചതിന്റെ സന്തോഷത്തിലാണ് അസൂബിക്.
Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

Nigerian man get buried in bmw.