ചാലക്കുടിക്കാരന്‍ ചങ്ങാതി

കലാഭവന്‍ മണിയുടെ ജീവിതകഥയെ ആസ്പദമാക്കി ചാലക്കുടിക്കാരന്‍ ചങ്ങാതി എത്തുന്നു

മലയാള സിനിമയില്‍ തന്‍റേതായ വ്യക്തിമുദ്രപതിപ്പിച്ച അതുല്യ നടന്‍ കലാഭവന്‍ മണിയുടെ ജീവിതകഥയെ പ്രമേയമാക്കി ഒരുക്കുന്ന ചിത്രമാണ് ചാലക്കുടിക്കാരന്‍ ചങ്ങാതി . വിനയന്‍ സംവിധാനം ചെയ്യുന്ന ചിത്രം ഓണത്തിനു റിലീസിന് എത്തും . അല്‍ഫ ഫിലിംസിന്റെ ബാനറില്‍ ഗ്ലാഡ്സ്റ്റന്‍ യേശുദാസാണ് ചിത്രം നിര്‍മിക്കുന്നത്. സ്റ്റേജ് ഷോകളിലൂടെയും ചാനല്‍ പരിപാടികളിലൂടെയുംശ്രദ്ധേയനായ രാജമണിയാണ് നായകനായി എത്തുന്നത് . ഹണിറോസും പുതുമുഖം നിഹാരികയുമാണ് നായികമാര്‍.

ഉമ്മര്‍ മുഹമ്മദാണ് ചാലക്കുടിക്കാരന്‍ ചങ്ങാതിക്ക് തിരക്കഥ ഒരുക്കിയിരിക്കുന്നത് .
ഹരിനാരായണന്‍റെ വരികള്‍ക്ക് ബിജിപാല്‍ സംഗീതം ഒരുക്കുന്നു .ചിത്രത്തിന്റെ അവസാനഘട്ട ഷൂട്ടിംഗ് ആരംഭിച്ചു.

സലിംകുമാര്‍, ജനാര്‍ദനന്‍, ശിവജി ഗുരുവായൂര്‍, കോട്ടയം നസീര്‍, ടിനി ടോം, തുടങ്ങിയവരും ശ്രേധേയമായ വേഷത്തില്‍ എത്തുന്നു.
ലോഹിതദാസിന്റെ സല്ലാപം സിനിമയിലെ തെങ്ങുകയറ്റക്കാരനായെത്തിയ മണി കയറിയത് മലയാള സിനിമയുടെ ഉയരത്തിലേക്കായിരുന്നു . ചാലക്കുടിയിലെ ഓട്ടോ ഡ്രൈവര്‍ക്ക് സാധാരണക്കാരന്റെ ഹൃദയത്തില്‍ അന്നും ഇന്നും സ്ഥാനമുണ്ട്. മികച്ച ഒരുപിടി സിനിമയകളുടെ അകമബടിയോടെ ഈ ചാലക്കുടിക്കാരന്‍ എത്തിയത് വന്നവഴിയും പോറ്റിവളര്‍ത്തിയ നാടിനെയും കൂടെ പിടിച്ചായിരുന്നു.

മണിയെന്ന വിസ്മയമുഖത്തിന്‍റെ ജീവിതക്കഥ ഒരിക്കല്‍ക്കൂടി തിരശീലയില്‍ കാണുവാന്‍ ആരാധകര്‍ കാത്തിരിക്കുന്നു.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Chalakudykkaran Changathi- a movie inspired by the life of Kalabhavan Mani..