ഈ കരളിനിതെന്തു പറ്റി ?



മദ്യപാന ശീലം കൊണ്ടോ ജീവിത ശൈലി മാറ്റങ്ങൾ കൊണ്ടോ ഉണ്ടാകാവുന്ന ഒരു രോഗാവസ്ഥയാണ് ഫാറ്റി ലിവർ.


നിങ്ങൾക്ക് ഫാറ്റി ലിവർ ആണെന്ന് കണ്ടെത്തിയാൽ തീർച്ചയായും ചെയ്യേണ്ട കാര്യങ്ങൾ അറിയാം.അമിത വണ്ണമുള്ളവര്‍ ശരീരഭാരം നിയന്ത്രിക്കണം. അമിത വണ്ണമുള്ളവരില്‍ മാത്രമല്ല, അമിത ശരീരഭാരം ഇല്ലാത്തവരിലും ഫാറ്റി ലിവര്‍ ഉണ്ടാകാനിടയുണ്ട്.വയറ് ചാടുന്നവരില്‍ കൊഴുപ്പടിയുന്നുണ്ടാകാം. അത് ഫാറ്റി ലിവറിനു കാരണമാകാം. ആഹാരനിയന്ത്രണവും വ്യായാമവുമാണ് അമിത വണ്ണം കുറയ്ക്കാന്‍ ശ്രദ്ധിക്കേണ്ട കാര്യങ്ങള്‍. ശരീരഭാരം വര്‍ധിപ്പിക്കുന്ന ഭക്ഷണങ്ങള്‍ പരമാവധി ഒഴിവാക്കണം.കലോറി കൂടുതലടങ്ങിയ ഭക്ഷണങ്ങള്‍ കഴിക്കുന്നത് കുറയ്ക്കണം. അരിയാഹാരം, മധുരപലഹാരങ്ങള്‍, എണ്ണയില്‍ വറുത്ത സ്‌നാക്‌സ് എന്നിവ കഴിക്കുന്നത് കുറയ്ക്കുക. പഴങ്ങള്‍, പച്ചക്കറികള്‍ എന്നിവ കൂടുതലായി ഭക്ഷണത്തില്‍ ഉള്‍പ്പെടുത്തുക.ഫാറ്റിലിവര്‍ ഉണ്ടെന്ന് കണ്ടെത്തിയാല്‍ മദ്യപാനം മൂലമുണ്ടായ ഫാറ്റി ലിവറാണോ നോണ്‍ ആല്‍ക്കഹോളിക് ഫാറ്റി ലിവറാണോയെന്ന് കണ്ടെത്തണം.ആല്‍ക്കഹോളിക് ഫാറ്റിലിവറാണെങ്കില്‍ മദ്യപാനം ഒഴിവാക്കേണ്ടത് നിര്ബന്ധമാണ്.ഭൂരിഭാഗം ആളുകള്‍ക്കും ഫാറ്റി ലിവര്‍ ലക്ഷണങ്ങളിലൂടെ പ്രകടമാകണമെന്നില്ല. പലപ്പോഴും മറ്റ് കാരണങ്ങള്‍ കൊണ്ട് വൈദ്യപരിശോധനകള്‍ക്ക് വിധേയമാകുമ്പോഴാണ് ഫാറ്റി ലിവര്‍ കണ്ടെത്തുന്നത്.ഹെപ്പറ്റൈറ്റിസ് ബി പോലുള്ള അസുഖങ്ങള്‍ ഉണ്ടെങ്കിലും ഫാറ്റി ലിവറിനുള്ള സാധ്യതയുണ്ട്. പാരമ്പര്യമായി ഫാറ്റി ലിവര്‍ ഉണ്ടെങ്കില്‍ കുടുംബത്തിലുള്ള മറ്റുള്ളവര്‍ക്കും അസുഖം വരാനുള്ള സാധ്യത തള്ളിക്കളയാനാകില്ല. ചിലരില്‍ രോഗലക്ഷണമായി കരളിന്റെ ഭാഗത്ത് വേദന അനുഭവപ്പെടാറുണ്ട്.അതായത് വയറിന്റെ വലതുവശത്ത് അല്‍പം മുകളിലായി അസ്വസ്ഥതയോ വേദനയോ അനുഭവപ്പെടാം.ചിലര്‍ക്ക് ക്ഷീണം, ശരീരഭാരം കുറയുക, തളര്‍ച്ച തുടങ്ങി മറ്റ് അസ്വസ്ഥതകളും ഉണ്ടാകാം.



Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

fatty liver: facts.