ക്ലാസ്സ്‌ കട്ട്‌ ചെയ്താൽ ഇനി വിവരം വീട്ടിൽ അറിയും

ക്ലാസ്സ്‌ കട്ട്‌ ചെയ്താൽ ഇനി വിവരം വീട്ടിൽ അറിയും: ഒരു മണിക്കൂറിനുള്ളിൽ !

ക്ലാസ്സിൽ കയറാതെ കറങ്ങി നടക്കുന്ന കുട്ടികളുടെ വിവരം ഇനി മുതൽ ഒരു മണിക്കൂറിനുള്ളിൽ വീട്ടിൽ അറിയും. തിരുവനന്തപുരം കോര്‍പ്പറേഷനാണ് രക്ഷിതാക്കള്‍ക്ക് എസ് എം എസ് വഴി വിവരം ലഭിക്കുന്ന ആപ്ലിക്കേഷൻ അവതരിപ്പിക്കുന്നത്.

ഇന്‍ഫര്‍മേഷന്‍ കേരള മിഷന്‍റെ ആപ്ലിക്കേഷനും പോലീസിന്റെ ഇതിനായുള്ള മൊബൈല്‍ അപ്ലിക്കേഷന്‍ എന്നിവ പരിഷ്ക്കരിച്ച് പുതിയ പദ്ധതി നടപ്പിലാക്കാനാണ് തീരുമാനം. വിദ്യാര്‍ഥികളുടെ പേര്, ഫോട്ടോ, മേല്‍വിലാസം എന്നിവ അപ്‌ലോഡ്‌ ചെയ്യും. അധ്യയന ദിവസം ക്ലാസ്സ്‌ തുടങ്ങി ഹാജര്‍ രേഖപ്പെടുത്തിക്കഴിഞ്ഞാല്‍ അന്നേ ദിവസം ക്ലാസ്സില്‍ വരാത്ത കുട്ടികളുടെ വിവരങ്ങള്‍ ക്ലാസ്സ്‌ ടീച്ചര്‍ സഹായ വെബ്‌ ആപ്ലിക്കേഷനില്‍ അപ്‌ലോഡ്‌ ചെയ്യും. ഇതോടെ രക്ഷിതാവിനു എസ് എം എസ് ലഭിക്കും.തിരികെ ബന്ധപ്പെടനായി ക്ലാസ്സിന്റെ ചുമതലയുള്ള അദ്ധ്യാപകന്റെയും സ്കൂളിന്റെയും നമ്പര്‍ സഹിധമാണ് എസ് എം എസ് പോകുക.

നഗരപരിതിയിലെ 230 സര്‍ക്കാര്‍ എയ്ഡഡ് സ്കൂളിലെ കുട്ടികളെക്കുറിച്ചുള്ള വിവരങ്ങളാണ് ഇത്തരത്തില്‍ രക്ഷിതാക്കളെ അറിയിക്കുക.

സ്കൂളില്‍ നടത്തുന്ന പ്രവര്‍ത്തനങ്ങളുടെ വിവരങ്ങള്‍ ,കുട്ടികളുടെ പ്രോഗ്രസ്സ് കാര്‍ഡ്‌, പരീക്ഷ തിയതി, ബസ്‌ റൂട്ടുകള്‍ എന്നിവയും മൊബൈലില്‍ ലഭ്യമാകും. ഓണാവധിക്ക് മുന്‍പ് പരിഷ്ക്കാരം നിലവില്‍ വരുമെന്ന് കോര്‍പ്പറേഷന്‍ അറിയിച്ചു.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

new application to caught class bunking.