തോല്‍‌വിയില്‍ വേദനിക്കുമ്പോഴും ശീലം മറക്കാതെ ജപ്പാന്‍

എല്ലാം വ‍ൃത്തിയുള്ളതാണെന്നു ഉറപ്പുവരുത്തുക ജപ്പാൻ സംസ്കാരത്തിന്റെ ഭാഗമാണ്.


ലോകകപ്പില്‍ സ്വന്തം ടീം ബാല്‍ജിയത്തോട് പൊരുതി തോറ്റത് താങ്ങാനാകാതെ മടങ്ങുമ്പോഴും സ്റ്റേഡിയം വൃത്തിയാക്കാൻ മറക്കാതെ ജപ്പാൻ ആരാധകർ.രണ്ടു ഗോളിനു ലീഡ് നേടിയ ശേഷം ടീം തോറ്റതിന്റെ സങ്കടം നെഞ്ചിൽ വിങ്ങുമ്പോഴും ജപ്പാന്‍ ആരാധകര്‍ മത്സരശേഷം അവരിരുന്ന നിരകളിലെ ചപ്പുചവറുകൾ ക്ലീന്‍ ചെയ്തു.ജപ്പാൻ ആരാധകരുടെ വ‍ൃത്തിയാക്കലിനു ലോകത്തിന്റെ വിവിധ കോണുകളിൽ നിന്നും അഭിനന്ദന പ്രവാഹമാണ്. ബൽജിയത്തോട് പൊരുതിത്തോറ്റ ജപ്പാൻ ടീമിനു ലഭിച്ചതിനൊപ്പം കയ്യടി ഇവർ നേടി കഴിഞ്ഞു, ഒപ്പം ലോകം മുഴുവനും ആരാധകരേയും.
മുൻപ് കൊളംബിയയ്ക്കെതിരായ ആദ്യ മൽസരത്തിനുശേഷവും ജപ്പാൻ ആരാധകരുടെ ഈ പ്രവർത്തി ഫുട്ബോൾ ആരാധകരുടെ കയ്യടി നേടിയിരുന്നു. എല്ലാം വ‍ൃത്തിയുള്ളതാണെന്നു ഉറപ്പുവരുത്തുക ജപ്പാൻ സംസ്കാരത്തിന്റെ ഭാഗമാണ്. സ്കൂളും പരിസരവും കളികഴിഞ്ഞ മൈതാനവും വ‍ൃത്തിയാക്കാൻ ജപ്പാനിൽ ചെറുപ്പം മുതലേ കുട്ടികളെ പരിശീലിപ്പിക്കുന്നു.ടീം തോറ്റത്തിന്റെ നിരാശ ഉള്ളില്‍ വിങ്ങുമ്പോഴും ജപ്പാന്‍ അവര്‍ ശീലിച്ച നന്മകളൊന്നും മാറ്റി വയ്ക്കുന്നില്ല. നമ്മളും കണ്ട് പഠിക്കേണ്ടത് തന്നെ
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Japanese fans clean stadium even after heart-breaking loss to Belgium.