ലോകകപ്പ് ജേതാക്കള്‍ക്ക് സ്വർണ്ണക്കപ്പും കോടികളും

ലോകകപ്പിൽ ക്യാഷ് പ്രൈസായി മാത്രം വിതരണം ചെയ്യുന്നത് 5300 കോടി രൂപ

സ്വർണ്ണ കപ്പ് മാത്രമല്ല, മോസ്കോയില്‍ ലോകകപ്പ് ജേതാക്കളെ കാത്തിരിക്കുന്നത് 5300 കോടി രൂപയുടെ പണക്കിഴിയുമാണ്


ജേതാക്കൾക്ക് മാത്രമല്ല, മറ്റു സ്ഥാനങ്ങളിൽ എത്തുന്നവർക്കുമുണ്ട് ക്യാഷ് അവാര്‍ഡുകള്‍ . മോസ്‌കോ ലോകകപ്പിൽ ലോകകപ്പിൽയി മൊത്തം വിതരണം ചെയ്യുന്നത് 5300 കോടി രൂപയാണ്. ലോകക്കപ്പ് ജേതാക്കള്‍ സ്വര്‍ണ്ണ കപ്പിനോടൊപ്പം പണമായി ലഭിക്കുക 255 കോടി രൂപയാണ്.
കഴിഞ്ഞ ലോകകപ്പിൽ ഇത് 230 കോടി രൂപയായിരുന്നു. 188 കോടിയാണ് രണ്ടാം സ്ഥാനക്കാർക്ക് കിട്ടുക. മൂന്നാം സ്ഥാനക്കാർക്ക് ലഭിക്കുന്നത് 161 കോടിയും നാലാം സ്ഥാനക്കാർക്ക് 147 കോടി രൂപയും സമ്മാനത്തുകയായി ലഭിക്കും. ക്വർട്ടർ ഫൈനലിസ്റ്റുകളെ കാത്തിരിക്കുന്നത് 107 കോടി വീതമാണ്. രണ്ടാം റൗണ്ടിൽ പുറത്തു പോകേണ്ടി വരുന്ന എട്ടു ടീമുകൾക്ക് 80 കോടി രൂപ വീതവും ലഭിക്കുന്നതാണ്. ഗ്രൂപ്പ് ഘട്ടത്തിൽ പുറത്താകുന്ന ടീമുകൾക്ക് 54 കോടി വീതമാണ് നൽകുന്നത്.

ഇതിനെല്ലാം പുറമെ പങ്കെടുക്കുന്ന 32 ടീമുകൾക്കും ടൂർണമെന്റിന് ഒരുങ്ങുന്നതിനുള്ള പണക്കിഴിയായി പത്തു കോടി രൂപ വീതവും ഫിഫ നൽകും.

2680 കോടി രൂപയാണ് പങ്കെടുക്കുന്ന 32 ടീമുകൾക്കുമായി വീതിച്ചു നൽകുന്നത്. രാജ്യങ്ങൾക്ക് വേണ്ടി കളിയ്ക്കാൻ തങ്ങളുടെ കളിക്കാരെ വിട്ടുനല്കുന്നതിനു നഷ്ട പരിഹാരമായി പ്രൊഫെഷണൽ ഫുട്ബോൾ ക്ലബുകൾക്കും 1400 കോടി രൂപ വീതിച്ചു നൽകും. ഇതിനു പുറമെ ക്ലബ് പ്രൊട്ടക്‌ഷൻ പ്രോഗ്രാം എന്ന വകുപ്പിലും ക്ലബുകൾക്ക് പൈസ കിട്ടുന്നുണ്ട് . ലോകകപ്പ് മത്സരങ്ങൾക്കിടയിൽ ക്ലബ് കളിക്കാർക്ക് പരിക്കേറ്റാൽ നൽകുന്ന നഷ്ടപരിഹാരമാണ് ഇത്. ഈ ഇനത്തിൽ 899 കോടിയാണ് നൽകുക.ബ്രസീൽ ലോകകപ്പിലെ മൊത്തം സമ്മാന തുക 3860 കോടി രൂപയായിരുന്നു.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

5300 cr price money for fifa world cup.