വാട്സാപ് ക്വിക്ക് ഫോര്‍വേഡ് ഒഴിവാക്കുന്നു


ഒരേ സമയം ഒരു മെസ്സേജ് അയയ്ക്കാവുന്നത് അഞ്ച് നമ്പരിലേയ്ക്ക് മാത്രം


ഒരു മെസ്സേജ് ക്വിക്ക് ഫോര്‍വേഡ് ചെയ്യാവുന്നത് അഞ്ച് നമ്പരിലേയ്ക്കായി ചുരുക്കുകയാണ് വാട്സപ് .വ്യാജ പ്രചാരണങ്ങളെ തടയുന്നതിന്‍റെ ഭാഗമായാണ് ഇത്തരത്തിലൊരു ടെസ്റ്റ്‌ നടത്തുന്നതെന്ന് വാട്സപ് ബ്ലോഗില്‍ അറിയിച്ചു. ഇന്ത്യയില്‍ ആണ് ഏറ്റവും കൂടുതല്‍ ആളുകള്‍ ഫോട്ടോയും വീഡിയോയും സന്ദേശങ്ങളും ഇത്തരത്തില്‍ വിവിധ നമ്പരുകളിലേയ്ക്ക് അയയ്ക്കുന്നത്. അതിനാല്‍ പരീക്ഷണാടിസ്ഥാനത്തില്‍ ഇന്ത്യയിലാണ് ഇപ്പോള്‍ ഇത് നടപ്പാക്കുക.ക്വിക്ക് ഫോര്‍വേഡ് ബട്ടണ്‍ ആപ്പില്‍ നിന്നും ഒഴിവാക്കുമെന്നും വാട്സാപ് അറിയിച്ചു. ഈ നടപടി വാട്സാപിനെ ഒരു പ്രൈവറ്റ് മെസ്സജിംഗ് ആപ്പായി നിലനിര്‍ത്താന്‍ സഹായിക്കുമെന്നും സുരക്ഷയും സ്വകാര്യതയും ഉറപ്പു വരുത്തുകയാണ് നടപടിയുടെ ലക്ഷ്യമെന്നും ബ്ലോഗില്‍ പറയുന്നു.സാമൂഹിക മാധ്യമങ്ങള്‍ വഴിയുള്ള കിംവദന്തികള്‍ കലാപുമുണ്ടാക്കുന്നതിന് കാരണമാകുന്നുവെന്ന വിമര്‍ശനം ശക്തമായതോടെയാണ് നടപടി.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

whatsapp limit forwarding messages to five chats.