നൂറ്റാണ്ടുകളുടെ കഥ പറയുന്ന വസായ് കോട്ട



പോർച്ചുഗീസ് ഭരണത്തിൻറെ സ്മരണകള്‍നിറയുന്നതാണ് വസായ് കോട്ട


ഛത്രപതി ശിവജിയുടെ കാലഘട്ടവുമായി ബന്ധപ്പെട്ടാണെങ്കിലും, പോർച്ചുഗീസ് ഭരണത്തിൻറെ സ്മരണകള്‍നിറയുന്നതാണ് വസായ് കോട്ട .മലയാളികളടക്കമുള്ള വിനോദസഞ്ചാരികൾ‌ ഏറെയെത്തുന്ന, കോട്ടയ്ക്കുളളിലെ പള്ളിയിൽ ഇപ്പോഴുമുണ്ട് പെരുന്നാൾ ആഘോഷം. മനോഹര നിർമിതി മാത്രമല്ല ചരിത്രശേഷിപ്പ് കൂടിയാണ് ഈ കോട്ട . അഞ്ചുകിലോമീറ്ററോളം വ്യാപിച്ച്, മൂന്നുവശങ്ങളും വെള്ളത്താൽചുറ്റപ്പെട്ടുംകിടക്കുന്ന കോട്ടയിൽനിന്നുള്ള കാഴ്ചകളും സുന്ദരം.കോട്ടയ്ക്കുള്ളിലെ ക്രിസ്ത്യന്‍ ദേവാലയത്തിൽ അഞ്ചുനൂറ്റാണ്ടിന് മുൻപുളള ശ്മശാനത്തിന്റെ ശേഷിപ്പും കാണാം .ഗുജറാത്ത് സുൽത്താനായിരുന്ന ബഹദൂർഷാ 1532ലാണ് വസായ്കോട്ട നിർമിച്ചത്. പിന്നീട് കോട്ടയുടെ ഉപയോഗം പോർച്ചുഗീസിന് വിട്ടുകൊടുത്തു. 1739ൽ മറാത്താരാജാക്കൻമാർ പിടിച്ചടക്കുംവരെ പോർച്ചുഗീസിൻറെ പ്രധാനതാവളമായും കോട്ടനിലനിന്നു. മലയാളികളടക്കമുളള സഞ്ചാരികളാണ് ഇപ്പോൾ കോട്ടയെ സജീവമാക്കുന്നത്.നാശത്തിൻറെ വക്കിലായ കോട്ടയുടെ പുനരുദ്ധാരണമാണ് തദ്ദേശിയരുടെ ഇപ്പോഴത്തെ ആവശ്യം.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

vasai fort maharashtra.