ഒരു പാഠപുസ്തകം ഇങ്ങനാണോ; രോഷത്തോടെ സെവാഗ്

പുസ്തകത്തിലുള്ള കൂട്ടുകുടുംബത്തെക്കുറിച്ചുള്ള പരാമര്‍ശമാണ് വീരുവിനെ ചൊടിപ്പിച്ചത്

കളിക്കളത്തിലെ വെടിക്കെട്ട് ബാറ്റിംഗ് പോലെയാണ് മുന്‍ ഇന്ത്യന്‍ താരം വീരേന്ദര്‍ സെവാഗിന്റെ ട്വീറ്റുകളും. ഒരു സ്‌കൂള്‍ പാഠപുസ്തകത്തി കൂട്ടുകുടുംബത്തെക്കുറിച്ചുള്ള പരാമര്‍ശമാണ് വീരുവിന്റെ പുതിയ ട്വീറ്റിനാധാരം.

സ്‌കൂള്‍ പാഠപുസ്തകത്തിന്റെ ചിത്രത്തോടൊപ്പമായിരുന്നു സെവാഗിന്റെ ട്വീറ്റ്. പുസ്തകത്തിലുള്ള കൂട്ടുകുടുംബത്തെക്കുറിച്ചുള്ള പരാമര്‍ശമാണ് വീരുവിനെ ചൊടിപ്പിച്ചത്. മാതാപിതാക്കളും മുത്തച്ഛനും മുത്തശ്ശിയും കുട്ടികളുമടങ്ങുന്നതാണ് കൂട്ടുകുടുംബം. ഒരു കൂട്ടുകുടുംബത്തിന് ഒരിക്കലും ജീവിതം ആസ്വദിക്കാനാവില്ല എന്നാണ് പുസ്തകത്തില്‍ എഴുതിയിരിക്കുന്നത്. കുട്ടികള്‍ക്ക് പഠിക്കാനുള്ള പുസ്തകത്തില്‍ എന്തെങ്കിലുമൊക്കെ എഴുതി വിടുകയാണെന്നും ഇത് പിന്‍വലിക്കണമെന്നും അദ്ദേഹം പറഞ്ഞു. അലംഭാവത്തോടെയാണ് പുസ്തകത്തിന്റെ നിർമാണെന്നും സെവാഗ് ട്വീറ്റില്‍ വ്യക്തമാക്കി. വീരുവിന്റെ ട്വീറ്റിനെ അനുകൂലിച്ചുകൊണ്ട് നിരവധി പേര്‍ രംഗത്തെത്തിയിട്ടുണ്ട്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

sehwag reacting on school text book.