ഗോള്‍ഡന്‍ ബാബയ്ക്ക് ഇത്തവണ ആറ് കോടിയുടെ സ്വര്‍ണം!



സുധീര്‍ മക്കാര്‍ തന്റെ 25-ാമത്തെ കന്‍വാര്‍ യാത്രയാണ് ഇത്തവണ നടത്തുന്നതെന്നാണ് അവകാശപ്പെടുന്നത്



കന്‍വാര്‍ യാത്രയില്‍ ഇത്തവണ ഗോള്‍ഡന്‍ ബാബ അണിയുന്നത് 20 കിലോ സ്വര്‍ണം.ഇപ്പോഴത്തെ വിപണി വിലയനുസരിച്ച് ആറു കോടിയുടെ ആഭരണങ്ങള്‍ അണിഞ്ഞാണ് അദ്ദേഹത്തിന്റെ ഇത്തവണത്തെ തീര്‍ഥയാത്ര. ഗോള്‍ഡന്‍ ബാബ എന്നറിയപ്പെടുന്ന സുധീര്‍ മക്കാര്‍ തന്റെ 25-ാമത്തെ കന്‍വാര്‍ യാത്രയാണ് ഇത്തവണ നടത്തുന്നതെന്നാണ് അവകാശപ്പെടുന്നത്. തന്റെ ഓരോ യാത്രയിലും അണിയുന്ന സ്വര്‍ണത്തിന്റെ അളവില്‍ അദ്ദേഹം കാര്യമായ വര്‍ധന വരുത്താറുണ്ട്. കഴിഞ്ഞ തവണ 14.5 കിലോ സ്വര്‍ണം ധരിച്ചായിരുന്നു യാത്രയില്‍ പങ്കെടുത്തിരുന്നത്. 21 സ്വര്‍ണ മാലകള്‍, ദൈവങ്ങളുടെ രൂപമുള്ള 21 ലോക്കറ്റുകള്‍, നിരവധി വളകള്‍, സ്വര്‍ണ ചട്ടകള്‍ തുടങ്ങിയവയൊക്കെ ധരിച്ചാണ് ബാബയുടെ യാത്ര. ദേഹമാസകലം അണിയുന്ന സ്വര്‍ണം കൂടാതെ 27 ലക്ഷം വിലയുള്ള റോളക്‌സ് വാച്ചും ഇദ്ദേഹം ധരിക്കാറുണ്ട്. ഹരിദ്വാറില്‍നിന്ന് ഡല്‍ഹിവരെയുള്ള 200 കിലോമീറ്ററും തന്റെ ആഡംബര വാഹനത്തിന്റെ മുകളില്‍ കയറിയിരുന്നാണ് സുധീര്‍ മക്കാര്‍ യാത്ര നടത്താറുള്ളത്. സ്വര്‍ണത്തോടും ആഡംബര വാഹനങ്ങളോടുമുള്ള തന്റെ ഭ്രമം മരിച്ചാലും അവസാനിക്കില്ലെന്നാണ് ബാബയുടെ പക്ഷം.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

golden baba wearing 20kg gold this time.