പഴങ്ങളില്‍ സ്റ്റിക്കറുകള്‍ പതിക്കുന്നത് വിലക്കി

പഴങ്ങളിലും പച്ചക്കറികളിലും സ്റ്റിക്കര്‍ പതിക്കുന്നത് ഒഴിവാക്കാൻ ഭക്ഷ്യസുരക്ഷാ അതോറിറ്റി നിര്‍ദേശിച്ചു .

ആഹാരസാധനങ്ങള്‍ മലിനമാകാൻ സാധ്യതയുള്ളതിനാലാണ് പുതിയ നിർദ്ദേശം .സ്റ്റിക്കര്‍ പതിക്കാന്‍ ഉപയോഗിക്കുന്ന പശ എന്താണെന്ന് ആര്‍ക്കുമറിയില്ല. പഴവും പച്ചക്കറിയും കഴുകി ഉപയോഗിച്ചാല്‍ പോലും പശയുടെ അംശം ഉള്ളിലെത്താനിടയുണ്ട്. ഇത് ആരോഗ്യത്തിന് ഹാനികരമായേക്കും, പുറന്തൊലിയിലുടെ പശയിലെ വിഷാംശം ഉള്ളിലെത്തിയേക്കാം.ആരോഗ്യത്തിനു ഹാനികരമായ ആഹാരവസ്തുക്കള്‍ വില്‍ക്കുന്നത് കുറ്റകരമാണെന്നും
ഭക്ഷ്യ സുരക്ഷാ അതോറിറ്റി പറഞ്ഞു . പലപ്പോഴും ഏജന്‍സികളുടെ അനുവാദമില്ലാതെയാണ് കച്ചവടക്കാർ ആഹാര സാധനങ്ങളിൽ സ്റ്റിക്കറുകൾ പതിക്കുന്നത്.ഉത്പാദകരുടെയും വിതരണക്കാരുടെയും പേരുവിവരങ്ങള്‍, വില, ജൈവമാണോ അല്ലയോ എന്നീ വിവരങ്ങളാണ് മറ്റു രാജ്യങ്ങളില്‍ സ്റ്റിക്കറിന്മേല്‍ ഉണ്ടാവുക. എന്നാല്‍ ഇവിടത്തെ ആഹാര സാധനങ്ങളില്‍ 'പ്രീമിയം, ടെസ്റ്റഡ് ഓക്കെ, ബെസ്റ്റ് ക്വാളിറ്റി' തുടങ്ങിയ പ്രധാന്യമില്ലാത്തതും സത്യസന്ധവുമല്ലാത്ത വിവരങ്ങളാണ് കാണുക. ഇത്തരം മാനദണ്ഡങ്ങള്‍ ഉത്പന്നങ്ങളില്‍ ഉപയോഗിക്കാന്‍ ഒരു ഏജന്‍സിയും അനുവാദം നല്‍കിയിട്ടുമുണ്ടാവില്ല. സ്റ്റിക്കര്‍ ഒട്ടിച്ചതിന് ഒട്ടിക്കാത്തവയെക്കാള്‍ വില കൂടുതല്‍ ഈടാക്കുന്നുമുണ്ട്.സ്റ്റിക്കര്‍ പതിക്കേണ്ടത് അത്യാവശ്യമാണെങ്കില്‍ അക്കാര്യത്തില്‍ സുരക്ഷിതത്വം ഉറപ്പുവരുത്തണമെന്നും അതോറിറ്റി ആവശ്യപ്പെട്ടിട്ടുണ്ട്. .


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Forbidden to stick stickers in fruits.