ഇന്റര്‍നെറ്റ് സുരക്ഷാ ഭീഷണി നേരിടുന്ന രാജ്യങ്ങളില്‍ ഇന്ത്യയുടെ സ്ഥാനം 12

റഷ്യന്‍ സൈബര്‍ സുരക്ഷാ സ്ഥാപനമായ കാസ്‌പെറസ്‌കിയുടെ പുതിയ റിപ്പോര്‍ട്ടിലാണ് ഇന്റര്‍നെറ്റ് സുരക്ഷാ ഭീഷണി നേരിടുന്ന രാജ്യങ്ങളുടെ കണക്ക് വെളുപ്പെടുത്തിയിരിക്കുന്നത് . രാജ്യത്തെ ഇന്റര്‍നെറ്റ് ഉപയോക്താക്കളില്‍ മൂന്നിലൊന്ന് പേരും സൈബര്‍ ആക്രമണങ്ങള്‍ക്ക് വിധേയരാവുന്നുണ്ടെന്നും റിപ്പോര്‍ട്ടില്‍ പറയുന്നു .ഓണ്‍ലൈനില്‍ നമ്മള്‍ കൂടുതല്‍ സുരക്ഷിതരായിക്കാന്‍ ബോധവാന്മാരാകാണാമെന്നു കാസ്‌പെറസ്‌കി ലാബ് ദക്ഷിണേഷ്യാ ജനറല്‍ മാനേജര്‍ ഷ്രെനിക് ഭയനി പറയുന്നു. പല സൈബര്‍ ആക്രമണങ്ങളുടെയും പ്രധാന ലക്ഷ്യം പണമാണ്. അതിനാല്‍ ബ്രൗസറുകളിലെ സുരക്ഷാ വീഴ്ച സൈബര്‍ കുറ്റവാളികള്‍ ഉപയോഗപ്പെടുത്താറുണ്ട്. അപകടം പതിയിരിക്കുന്ന വെബ്‌സൈറ്റുകള്‍ സന്ദര്‍ശിക്കുമ്ബോള്‍ ഉപയോക്താവിന്റെ അറിവോ ഇടപെടലോ ഇല്ലാതെ തന്നെ ഇവര്‍ക്ക് ആക്രമണം നടത്താന്‍ കഴിയുന്നു.ഇത് സൈബര്‍ ആക്രമണം നടത്തുന്നതിനുള്ള നിരവധി മാര്‍ഗങ്ങളിലൊന്നു മാത്രമാണെന്നും അദ്ദേഹം പറഞ്ഞു. അതേസമയം സുരക്ഷാ സംവിധാനങ്ങള്‍ സമയബന്ധിതമായി ഇന്‍സ്റ്റാള്‍ ചെയ്തിരിക്കണമെന്നും ഒപ്പം ബ്രൗസര്‍ സോഫ്‌റ്റ്വെയറുകളും പ്ലഗ്ഗിനുകളും അപ്‌ഡേറ്റ് ചെയ്യണമെന്നും കാസ്‌പെറസ്‌കി മുന്നറിയിപ്പ് നല്‍കുന്നു.ഇത്തരം ആക്രമണങ്ങള്‍ ചെറുക്കാനും ഭീഷണികള്‍ തിരിച്ചറിയാനും കഴിവുള്ള ഇന്റര്‍നെറ്റ് സുരക്ഷാ സംവിധാനങ്ങള്‍ ആവശ്യമാണെന്ന് കാസ്‌പെറസ്‌കി ചൂണ്ടിക്കാട്ടി.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

India ranked 12th in Internet Security Threat : Kaspersky Lab India.