മാന്‍ ഓഫ് ദി മാച്ച് കുപ്പത്തൊട്ടിയില്‍; പരാതിയുമായി പ്രകൃതി

ഇന്ത്യ–വെസ്റ്റ് ഇൻഡീസ് അഞ്ചാം ഏകദിന പോരാട്ടത്തില്‍ രവീന്ദ്ര ജഡേജയ്ക്കു പുരസ്കാരവേദിയിൽ ലഭിച്ച വലിയ കാർഡാണ് കുപ്പത്തൊട്ടിയില്‍ നിന്ന്‍ ലഭിച്ചത്. സമ്മാനത്തുക മൽസരശേഷം ജഡേജ ഏറ്റുവാങ്ങിയിരുന്നു. എന്നാൽ, വേദിയിൽവച്ച് ഏറ്റുവാങ്ങിയ വലിയ കാർഡ് കഴിഞ്ഞ ദിവസം തിരുവനന്തപുരത്തെ കുപ്പത്തൊട്ടിയിൽനിന്ന് ലഭിച്ചതോടെ സംഭവത്തിന് വിവാദഛായ കൈവന്നിരിക്കുകയാണ്. മണ്ണിൽ അലിയാത്ത കാർഡ് സ്റ്റേഡിയത്തിൽ ഉപേക്ഷിച്ചുപോയതിന്റെ പേരിൽ കടുത്ത വിമർശനമാണ് ഉയരുന്നത്. കാർഡുമായി തിരുവനന്തപുരം കോർപറേഷനിലെ ശുചീകരണ തൊഴിലാളിയായ ജയൻ നിൽക്കുന്ന ചിത്രം സമൂഹമാധ്യമങ്ങളിൽ വൈറലാവുകയും ചെയ്തു. പരിസ്ഥിതി സംരക്ഷണത്തിനായി നിലകൊള്ളുന്ന ‘പ്രകൃതി’ എന്ന ഫെയ്സ്ബുക് പേജിൽ ഈ ചിത്രം സഹിതം വിമർശനാത്മകമായ കുറിപ്പ് പ്രത്യക്ഷപ്പെട്ടു. ഇത്തരം സമ്മാനദാന ചടങ്ങുകൾ തൊട്ടുപിന്നാലെ പ്രകൃതിക്കും മറ്റുള്ളവർക്കും ബാധ്യതയാകുന്നതിനെതിരെയാണ് കുറിപ്പ്. പ്രകൃതിക്കു ഭാരമാകുന്ന ഇത്തരം പുരസ്കാര വിതരണങ്ങൾ ഒഴിവാക്കി വ്യത്യസ്തമായൊരു സമ്മാനദാന രീതി എന്തുകൊണ്ടു പരീക്ഷിച്ചുകൂടാ എന്നതാണ് ഇവർ ഉന്നയിക്കുന്ന ചോദ്യം. പ്ലാസ്റ്റിക്കിന്റെയും പ്രകൃതിയിൽ അലിയാത്ത വസ്തുക്കളുടെയും ഉപയോഗം നിരുത്സാഹപ്പെടുത്താൻ ബിസിസിഐ നടപടി സ്വീകരിക്കുമെന്ന പ്രത്യാശയും കുറിപ്പു പങ്കുവയ്ക്കുന്നുണ്ട്.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

man of the match certificate of cricketer jadeja is found abandoned.