ആവേശമായി ജിമ്ഖാന10 - 'ഹൂണി ട്രക്ക്'

കെൻറ് ബ്ലോക്കിൻറെ 'ജിംഖാന' സീരീസിലെ പുതിയ കാർ - 'ഹൂണി ട്രക്ക്'

വാഹന പ്രേമികൾക്ക് ആവേശമായി കെൻറ് ബ്ലോക്ക് -'ജിംഖാന' സീരീസിലെ പുതിയ കാർ 'ഹൂണി ട്രക്ക്'.ഹൂണിഗന്‍ ടീമും അമേരിക്കയിലെ 'ഡെട്രോയിറ്റ് സ്പീഡ്' എന്ന കാര്‍ കസ്റ്റമൈസേഷന്‍ കമ്പനിയും ചേര്‍ന്നൊരുക്കിയതാണ് ജിമ്ഖാനാ 10 - 'ഹൂണി ട്രക്ക്'.വാഹന പ്രേമികളായ ആർക്കും ജിമ്ഖാനയെന്ന് കേട്ടാൽ ആദ്യം ഓർമ്മ വരുക ..വന്യമായ അലര്‍ച്ചയോടെ തെരുവെന്നോ, കാടെന്നോ, മലയെന്നോ വ്യത്യാസമില്ലാതെ ഡ്രിഫ്റ്റിംഗ് ചെയ്യുന്ന കസ്റ്റം ബില്‍റ്റ് കാറുകളും അതിന്റെ സാരഥിയായ 'കെന്‍ ബ്ലോക്ക്' ഉം ആയിരിക്കും.1977 ഫോര്‍ഡ് എഫ്-150 യെ അടിസ്ഥാനമാക്കി നിര്‍മ്മിച്ച ഈ 'ഹൂണി ട്രക്കില്‍' ഉപയോഗിച്ചിരിക്കുന്നത് ഫോര്‍ഡിന്റെ 'വി 6 എക്കോബൂസ്റ്റ് പെര്‍ഫോര്‍മന്‍സ് എഞ്ചിന്‍' ആണ്.ബില്ലെറ്റ് അലൂമിനിയം കൊണ്ട് നിര്‍മ്മിച്ച എഞ്ചിന്‍ പുറപ്പെടുവിക്കുന്ന ശബ്ദം നിങ്ങളിതുവരെ കേട്ടിട്ടില്ലാത്തതാണെന്ന മുന്നറിയിപ്പ് നല്‍കി ആരാധകരെ പ്രതീക്ഷയുടെ മുള്‍മുനയില്‍ നിര്‍ത്തിയിരിക്കുകയാണ് ഹൂണിഗന്‍ ടീം.കെന്‍ ബ്ലോക്കും സംഘവും രണ്ട് വര്‍ഷത്തോളം നടത്തിയ ഗവേഷണത്തിനൊടുവിലാണ് ഹൂണി ട്രക്ക് പിറവിയെടുത്തത് .ബോഡി, ചേസിസ് വര്‍ക്കുകള്‍ക്ക് ഉപയോഗിച്ചിരിക്കുന്നത് ഫോര്‍ഡ് കമ്പനി ഉപയോഗിക്കുന്ന അതേ 'മിലിറ്ററി ഗ്രേഡ് അലൂമിനിയം' ആണ്. 'ഹാന്‍ഡ് മേഡ്' ആയ ഹൂണി ട്രക്കിന്റെ വീലുകള്‍ കസ്റ്റം മേഡ് ആയ 2 ടര്‍ബോമാക് എച്ച്‌.ഡി. വീല്‍സ് ആണ്. എഞ്ചിന്‍ പവര്‍ വീലുകളിലേക്കെത്തിക്കുന്നതിനായി ഉപയോഗിച്ചിരിക്കുന്നത് 'സദേവ്' -ന്റെ 6 സ്പീഡ് ആള്‍ വീല്‍ ഡ്രൈവ് ഗിയര്‍ ബോക്‌സും '.തന്റെ പിതാവ് ഉപയോഗിച്ചിരുന്ന 1977 ഫോര്‍ഡ് എഫ്-150 ട്രക്കിലായിരുന്നു കെന്‍ ബ്ലോക്ക് ഡ്രൈവിങ്ങിന്റെ ഹരിശ്രീ കുറിച്ചത്. അതുകൊണ്ട് തന്നെ പിതാവിന്റെ സ്മരണകള്‍ ഉണര്‍ത്തുന്ന ഒന്നു കൂടിയാണ് കെന്നിന് ഈ കാര്‍.ഡിസംബറില്‍ റിലീസ് ചെയ്യാനിരിക്കുന്ന Gymkhana-10 ആരാധകർക്ക് വൻ വിരുന്നാകുമെന്നുറപ്പു നൽകുകയാണ് ഹോണികൻ ടീം .

Ken Block Gymkhana 10 introduces epic Hoonitruck News60.