മാനസിക സമ്മർദ്ദം ; ബാങ്കിംഗ് മേഖലയിൽ ആത്മഹത്യ പെരുകുന്നു

ജോലിഭാരവും ഉയർന്ന ടാര്‍ജറ്റും ബാങ്കിങ് മേഖലയിലെ കടുത്ത മത്സരവുമാണ് പ്രധാന കാരണം

രാജ്യത്തെ ബാങ്കിംഗ് മേഖലയിൽ 2015 മുതൽ പ്രതിവർഷം ശരാശരി 100 ജീവനക്കാർ ആത്മഹത്യ ചെയ്യുന്നുവെന്ന് കണ്ടെത്തൽ. ഇതിൽ കൂടുതലും ഓഫീസർ തസ്തികയിലുള്ളവർ. 2018 ൽ മാത്രം 23 ഓഫീസർമാർ ആത്മഹത്യ ചെയ്തിട്ടുണ്ടെന്നാണ് ഓൾ ഇന്ത്യാ ബാങ്ക് എംപ്ലോയീസ് യൂണിയന്റെ കണക്ക്. പുതുതലമുറ ബാങ്കുകളിലെ കണക്ക് കൂടി ഉൾപ്പെടുത്തിയാല്‍ 50-ലേറെ പേർ ഇത്തരത്തില്‍ ജീവനൊടുക്കിയിടുണ്ട്. യുവാക്കളാണ് ഇതില്‍ ഏറെയും.
ജോലിഭാരവും ഉയർന്ന ടാര്‍ജറ്റും സാമ്പത്തിക മാന്ദ്യവും ബാങ്കിങ് മേഖലയിലെ കടുത്ത മത്സരവുമാണിതിന് കാരണമായി പറയുന്നത്. ബാങ്കിങ് ഇതര സേവനങ്ങളും ബാങ്കുകളിൽ ചെയ്യേണ്ടതുമൂലമുള്ള സമ്മർദം കൂടിയായപ്പോള്‍ ജോലി ഭാരം കൂടി. ജീവനക്കാരുടെ എണ്ണത്തിലുണ്ടായ കുറവും ഒരു പ്രധാന കാരണമാണ് . മൂന്നും നാലും ഓഫീസർമാരുണ്ടായിരുന്ന ശാഖകളിൽ അത് ഒന്നോ രണ്ടോ ആയി ചുരുക്കി. ഓഫീസർമാരുടെ ജോലിഭാരം മറ്റ് ജീവനക്കാരെയും ബാധിച്ചു തുടങ്ങി. ജോലിഭാരം കൂട്ടാനല്ലാതെ കുറയ്ക്കാനുള്ള നടപടി ബാങ്ക് മാനേജ്‌മെന്റിന്റെ ഭാഗത്തുനിന്നുണ്ടാകുന്നില്ലെന്നും പരാതിയുണ്ട്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Mental stress; Suicide increases in Banking Sector.