അച്ഛന്‍ ആഗ്രഹിച്ചു, സരിഗ സാധിച്ചു നല്‍കി

ആൺമക്കളുണ്ടായിരുന്നെങ്കിൽ വെഹിക്കിൾ ഇൻസ്‌പെക്ടറാക്കാമായിരുന്നുവെന്ന ആഗ്രഹം പറയുമ്പോള്‍ ജ്യോതികുമാര്‍ അറിഞ്ഞിരുന്നില്ല മകള്‍ തന്റെ ആഗ്രഹം പൂര്‍ത്തീകരിക്കുമെന്ന്.പൊതുപരീക്ഷയിലൂടെ നേരിട്ട് നിയമനം ലഭിച്ച സംസ്ഥാനത്തെ ആദ്യത്തെ വനിത അസിസ്റ്റന്റ് മോട്ടോർവെഹിക്കിൾ ഇൻസ്‌പെക്ടറായി സരിഗ മോട്ടോർ വാഹനവകുപ്പിന്റെ ഭാഗമാകുമ്പോള്‍ അച്ഛന് അഭിമാനിക്കാം. ആറ്റിങ്ങൽ ഊരൂപ്പൊയ്‌ക പൂക്കുളത്ത് സരിഗ ജ്യോതിയാണ് അച്ഛന്റെ സ്വപ്നം യാഥാര്‍ത്ഥ്യമാക്കിയത്. പുതിയ 176 അസിസ്റ്റന്റ് മോട്ടോർ വെഹിക്കിൾ ഇൻസ്‌പെക്ടർമാരുടെ ബാച്ചിലെ ഏക വനിതയാണ് സരിഗ. ഇടുക്കി സ്‌ക്വാഡിലേക്കാണ് ആദ്യ നിയമനം. പോലീസ് പരിശീലനം പൂർത്തിയായശേഷം ഫെബ്രുവരിയിലായിരിക്കും സരിഗ ഓഫീസ് ഡ്യൂട്ടിയില്‍ പ്രവേശിക്കുക. പൊതുപരീക്ഷയിലൂടെ നേരിട്ട് നിയമനം നേടിയ ആദ്യവനിതയാണ് ബി.ടെക് ബിരുദധാരിയായ സരിഗ. മോട്ടോർവാഹനവകുപ്പിൽ നാല് വനിതാ ഇൻസ്‌പെക്ടർമാരുണ്ടെങ്കിലും അവരെല്ലാം തസ്തികമാറ്റംവഴി നിയമനം നേടിയവരാണ്. വനിതയെന്ന പ്രത്യേക പരിഗണന വേണ്ടെന്നും ഏത് ഓഫീസിൽവേണമെങ്കിലും ജോലിയിൽ പ്രവേശിക്കാൻ തയാറാണെന്നും സരിഗ അറിയിച്ചിട്ടുണ്ട്. അച്ഛന്റെ ആഗ്രഹം സാധിച്ചുകൊടുക്കാൻ കഴിഞ്ഞ സന്തോഷത്തിലാണ് സരിഗ.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

The first woman assistant motor vehicle inspector in the state.