മിസ് ഡെഫ് ഏഷ്യ കിരീടം ഇന്ത്യക്കാരിയ്ക്ക്


ഹരിയാന സ്വദേശി നിഷ്‌ത ഡുഡേജ മിസ് ഡെഫ് ഏഷ്യ കിരീടം ചൂടിയത്. ഈ നേട്ടം കൈവരിക്കുന്ന ആദ്യ ഇന്ത്യക്കാരിയാണ് നിഷ്‌ത. കേൾവിശക്തിയില്ലാതെ ആയിരുന്നു നിഷ്തയുടെ ജനനം. ഈ ലോകം ഇനി എക്കാലവും മകൾക്കു മുൻപിൽ നിശബ്ദമായിരിക്കുമെന്നു ഡോക്ടർമാർ അറിയിച്ച നിമിഷം സകലതും നഷ്ടപ്പെട്ട അവസ്ഥയിലായിരുന്നു മാതാപിതാക്കളായ ദേവ് നാരായണ ഡുഡേജയും പൂനവും. യാഥാർഥ്യത്തിന്റെ ലോകത്തേക്ക് ആദ്യം വാതിൽ തുറന്നിറങ്ങിയത് അമ്മ പൂനമാണ്. പരിമിതികളെ തോൽപിച്ച്, സാധാരണ കുട്ടികളെപ്പോലെ മകളുടെ ജീവിതം മാറ്റിയെടുക്കാനുള്ള പ്രയത്നമായിരുന്നു പിന്നീട് അവരുടെ ജീവിതം. നിഷ്തയുടെ പ്രായത്തിലുള്ള കുട്ടികൾ എന്തൊക്കെ ചെയ്യുമോ അതിൽക്കൂടുതൽ ചെയ്യാൻ മകളെ അമ്മ പ്രാപ്തയാക്കി. 7 വയസ്സു മുതൽ ജൂഡോയിൽ പരിശീലനം നേടിയ നിഷ്ത ടെന്നിസിലും കഴിവുതെളിയിച്ചു. രാജ്യാന്തര മെഡലുകൾക്കൊപ്പം ഡെഫ്ലിംപിക്സ്, ലോക ബധിര ടെന്നിസ് ചാംപ്യൻഷിപ്പ് തുടങ്ങിയവയിലും നേട്ടം. ഇതിനിടെ, മുംബൈ മിതിഭായി കോളജിൽ എംഎ ഇക്കണോമിക്സിനു ചേർന്നു. ഫെബ്രുവരിയിൽ മിസ് ഡെഫ് ഇന്ത്യ കിരീടം നേടി. ഒട്ടേറെ രാജ്യങ്ങളിൽനിന്നുള്ള സുന്ദരിമാരോടു മൽസരിച്ച് ഒന്നാമതെത്തിയ നിഷ്ത
ഇന്ത്യയ്ക്ക് അഭിമാനതാരമായി.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Nishta Dudeja makes India proud at the Miss Deaf Asia.