മുന്‍ ബിജെപി മന്ത്രി ജനാർദന റെഡ്ഡിയെ ക്രൈം ബ്രാഞ്ച് ചോദ്യം ചെയ്തതായി സൂചന


ജനാർദന റെഡ്ഡിയെ ക്രൈം ബ്രാഞ്ച് ഓഫിസിൽ പുലർച്ചെ രണ്ടര വരെ ചോദ്യം ചെയ്തതായാണ് സൂചന


മുന്‍ ബിജെപി മന്ത്രിയും ഖനി വ്യവസായിയുമായ ജനാർദന റെഡ്ഡിയെ കേന്ദ്ര ക്രൈം ബ്രാഞ്ച് ഓഫിസിൽ പുലർച്ചെ രണ്ടര വരെ ചോദ്യം ചെയ്തതായി സൂചന. മണിചെയിൻ കമ്പനി കോടികളുടെ തട്ടിപ്പു നടത്തിയെന്ന കേസിൽ ചോദ്യം ചെയ്യലിനായി ശനിയാഴ്ചയാണ് ജനാർദന റെഡ്ഡി ക്രൈം ബ്രാഞ്ചിനു മുൻപിൽ ഹാജരായത്. ചോദ്യം ചെയ്യൽ ഇന്നും തുടരും. മതിയായ തെളിവുകൾ ലഭിച്ചാൽ റെഡ്ഡിയെ ഇന്നു തന്നെ അറസ്റ്റു ചെയ്യുമെന്നു ക്രൈം ബ്രാഞ്ചിന്റെ അടുത്തവൃത്തങ്ങൾ സൂചിക്കുന്നു .നേരത്തെ, കേസ് രാഷ്ട്രീയ ഗൂഢാലോചനയാണെന്നുള്ള ആരോപണം തള്ളി ജനാർദന റെഡ്ഡി വിഡിയോ സന്ദേശം ഇറക്കിയിരുന്നു.ആളുകൾക്കു സത്യം മനസ്സിലാക്കുന്നതിനു വേണ്ടിയാണ് ഈ വിഡിയോ. പൊലീസിൽ തനിക്കു പൂർണ വിശ്വാസമുണ്ടെന്നും ഒരു രാഷ്ട്രീയ സമ്മർദത്തിനും അവർ വഴങ്ങില്ലെന്നു കരുതുന്നതായും – ജനാർജൻ റെഡ്ഡി പറഞ്ഞു.ബുധനാഴ്ചയാണ് ചോദ്യം ചെയ്യലിനു ഹാജരാകണമെന്നു ആവശ്യപ്പെട്ട് ക്രൈം ബ്രാഞ്ച് ജനാർദന റെഡ്ഡിക്കു നോട്ടിസ് നൽകിയത്.

Interrogation of Janardhan Reddy to continue today in Ponzi scam case.