ഇന്ത്യക്കാർക്ക് ഇഷ്ട്ടം ഗൾഫ് രാജ്യങ്ങൾ

ആകർഷിക്കുന്നത് വിസാ നിയമങ്ങൾ, തൊഴിൽസാഹചര്യങ്ങൾ, വിനോദകേന്ദ്രങ്ങൾ

ഇന്ത്യക്കാർക്ക് ഗൾഫ് രാജ്യങ്ങളിലേക്കുള്ള യാത്രയാണ് കൂടുതൽ പ്രിയം. ഇത്തരത്തിൽ ഗൾഫിലേക്കുള്ള ഇന്ത്യക്കാരായ സഞ്ചാരികളുടെ എണ്ണം വർധിക്കുകയാണ്.2022-ഓടെ ഇന്ത്യയിൽനിന്നുള്ള യാത്രികരുടെ 37 ശതമാനവും എത്തുന്നത് ഗൾഫ് രാജ്യങ്ങളിലേക്കാകുമെന്ന് അറേബ്യൻ ട്രാവൽ മാർക്കറ്റിന് (എ.ടി.എം ) മുന്നോടിയായി നടത്തിയ പഠനഫലം വ്യക്തമാക്കുന്നു.
2022 ആകുമ്പോഴേക്കും 90 ലക്ഷം ഇന്ത്യക്കാർ ജി.സി.സി. രാജ്യങ്ങളിലേക്ക് യാത്ര ചെയ്യുമെന്നാണ് കൊല്ലിയേഴ്‌സ് ഇന്റർനാഷണൽ പ്രസിദ്ധീകരിച്ച ഗവേഷണഫലം പറയുന്നത്. വ്യവസായാവശ്യങ്ങൾക്കും തൊഴിൽ തേടിയും വിനോദത്തിനും വേണ്ടിയാകും ഈ യാത്രകളെന്നും റിപ്പോർട്ട് ചൂണ്ടിക്കാട്ടുന്നുണ്ട്. 2.2 കോടി ഇന്ത്യക്കാരാണ് പ്രതിവർഷം വിദേശരാജ്യങ്ങളിലേക്ക് യാത്ര ചെയ്യുന്നത്.ഇന്ത്യൻ രൂപയുടെ മൂല്യമിടിയുന്ന സാഹചര്യത്തിലും ഇന്ത്യയിൽനിന്ന് വിദേശരാജ്യങ്ങളിലേക്ക് യാത്ര ചെയ്യുന്നവരുടെ എണ്ണം പത്ത് മുതൽ പന്ത്രണ്ട് ശതമാനം വരെ കൂടുകയാണ് ചെയ്തതെന്ന് എ.ടി.എം എക്സിബിഷൻ ഡയറക്ടർ ഡാനിയൽ കാർട്ടീസ് പറഞ്ഞു. യു.എ.ഇ.യിലേക്കും ഏറ്റവും കൂടുതൽ സന്ദർശകർ എത്തുന്നത് ഇന്ത്യയിൽ നിന്നാണ്. കഴിഞ്ഞവർഷം 23 ലക്ഷം ഇന്ത്യക്കാരാണ് യു.എ.ഇ. സന്ദർശിച്ചത്. വെറുതെ സന്ദർശിക്കുക മാത്രമല്ല വിദേശരാജ്യങ്ങളിൽ കൂടുതൽ പണം ചെലവാക്കുന്നതിലും മുന്നിൽ ഇന്ത്യക്കാർ തന്നെയാണ്. 2300 കോടി യു.എസ്. ഡോളറാണ് (1,66,700 കോടി രൂപ) ഇന്ത്യക്കാർ പ്രതിവർഷം വിദേശരാജ്യങ്ങളിൽ ചെലവഴിക്കുന്നത്.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

indian travellers loves to go in gulf countries.