ജോര്‍ജിന്റെ തോട്ടത്തിന് മുളങ്കൂട്ടം കാവല്‍ നില്‍ക്കും

വയനാട് പാടിച്ചിറ തട്ടാംപറമ്പിൽ ജോർജ് വർഷങ്ങൾക്ക് മുന്പ് തന്റെ തോട്ടത്തിന്റെ അതിർത്തിയിൽ നട്ടുവളർത്തിയ നാല്പത് ചുവട് മുളയാണ്, പടർന്ന് പന്തലിച്ച് ഇപ്പോൾ ജൈവവേലിയായി തീർന്നത്. ജില്ലയിൽ വേനൽ ഏറ്റവുമധികം ബാധിക്കുന്ന പ്രദേശങ്ങളിലൊന്നാണ് മുള്ളൻകൊല്ലി.
വേനലിൽ ഇവിടുത്തെ തോട്ടങ്ങളിലെ കുരുമുളകും വാഴയുമടക്കമുള്ള വിളകളെല്ലാം കരിഞ്ഞുണങ്ങി നശിക്കുന്നത് പതിവുകാഴ്ചയാണ്. എന്നാൽ വർഷങ്ങളായി വേനൽ ജോർജിന്റെ തോട്ടത്തെ ബാധിക്കാറില്ല. കൃഷിയിടത്തോട് അതിർത്തിപങ്കിടുന്ന കരമാൻതോടിനോട് ചേർന്നാണ് മുളങ്കൂട്ടങ്ങൾ നട്ടുപിടിപ്പിച്ചിരിക്കുന്നത്. പെരുമഴയിൽ കരമാൻതോട് കവിഞ്ഞൊഴുകി പ്രദേശത്തെ കൃഷിയിടങ്ങളിലെ മണ്ണിടിഞ്ഞ് വിളകൾ നശിച്ചപ്പോഴും ഇവിടെ രക്ഷയായത് മുളങ്കാടാണ്. മുളങ്കാടിന്റെ ആഴത്തിലിറങ്ങിയ വേരുകൾ മൂലമാണ് മണ്ണിടിച്ചിലിൽനിന്ന് രക്ഷപ്പെട്ടതെന്ന് ജോർജ് പറയുന്നുത്. കർഷകർ മുളകൊണ്ടുള്ള ജൈവവേലി നിർമാണം പരീക്ഷിക്കണമെന്നുമാണ് ഈ കര്‍ഷകന്റെ അഭിപ്രായം.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Bamboo; natural way to protect land.