അപരിചിതയുടെ കുഞ്ഞിനെ മുലയൂട്ടി എയര്‍ ഹോസ്റ്റസ്

വിമാനയാത്രയ്ക്കിടെ വിശന്നുകരഞ്ഞ കുഞ്ഞിനെ മുലയൂട്ടാന്‍ തയ്യാറായ എയര്‍ ഹോസ്റ്റസിനെ അഭിനന്ദനം കൊണ്ട് മൂടുകയാണ് സാമൂഹികമാധ്യമങ്ങള്‍. നവംബര്‍ എട്ടിനായിരുന്നു സംഭവം. ഫിലിപ്പീന്‍സ് എയര്‍ലൈന്‍സ് ജീവനക്കാരിയായ പട്രിഷ ഓര്‍ഗാനോയാണ് വിമാനത്തിനുള്ളില്‍ വിശന്നുകരഞ്ഞ കുഞ്ഞിന് പാല്‍ നല്‍കിയത്. കുഞ്ഞിന്റെ ഉറക്കെയുള്ള കരച്ചില്‍ കേട്ടാണ് പട്രിഷ അമ്മയുടെയും കുഞ്ഞിന്റെയും അരികിലേക്ക് ചെന്നത്. കുപ്പിയില്‍ കരുതിയിരുന്ന പാല്‍ തീര്‍ന്നതിനെ തുടര്‍ന്ന് നിസ്സഹായയായി ഇരിക്കുകയായിരുന്നു കുഞ്ഞിന്റെ അമ്മ. കുഞ്ഞിന്റെ കരച്ചില്‍ മറ്റു യാത്രക്കാരും ശ്രദ്ധിച്ചു തുടങ്ങിയതോടെ കുഞ്ഞിനെ മുലയൂട്ടാന്‍ പട്രിഷ തയ്യാറാകുകയായിരുന്നു. താന്‍ അപരിചിതയായ ഒരമ്മയുടെ കുഞ്ഞിനെ മുലയൂട്ടിയെന്ന കാര്യം പട്രിഷ തന്നെയാണ് ഫെയ്‌സ്ബുക്കില്‍ പങ്കുവച്ചത്. 36,000 ത്തിലധികം തവണയാണ് പട്രിഷയുടെ കുറിപ്പ് ഷെയര്‍ ചെയ്യപ്പെട്ടത്. നിരവധിയാളുകളാണ്‌ പട്രിഷയെ അഭിനന്ദിച്ചത്. 24 വയസ്സുകാരിയായ പട്രിഷ ഒമ്പതുമാസം പ്രായമുള്ള കുഞ്ഞിന്റെ അമ്മ കൂടിയാണ്.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Air hostess breast feeds passenger's daughter.