മത്സ്യ ബന്ധനത്തിന് ലൈസന്‍സ് നേടിയ ഇന്ത്യയിലെ ആദ്യ വനിത

സംസ്ഥാനത്തെ ഫിഷറീസ് ഡിപാര്‍ട്‌മെന്റിന്റെ ലൈസന്‍സ് ലഭിക്കുന്ന ആദ്യത്തെ വനിതയാണ്


ആഴക്കടല്‍ മത്സ്യബന്ധനം നടത്താന്‍ ലൈസന്‍സ് നേടിയ ഇന്ത്യയിലെ ആദ്യത്തെ സ്ത്രീയായി തൃശൂര്‍ ചാവക്കാട് സ്വദേശിനി രേഖ.സംസ്ഥാനത്തെ ഫിഷറീസ് ഡിപാര്‍ട്‌മെന്റിന്റെ ലൈസന്‍സ് ലഭിക്കുന്ന ആദ്യത്തെ വനിതയാണ് 45 കാരിയായ രേഖ . തന്റെ ഭര്‍ത്താവിനൊപ്പം വള്ളത്തിലുണ്ടായിരുന്ന രണ്ട് ജീവനക്കാര്‍ പണി നിര്‍ത്തി പോയിരുന്നു , പുതിയ പണിക്കാര്‍ക്ക് കൊടുക്കാന്‍ വേണ്ട ശമ്പളം ഇല്ലാതെ ബുദ്ധിമുട്ടിയതിനെ തുടർന്നാണ് രേഖ ഭര്‍ത്താവിനെ സഹായിക്കാന്‍ തീരുമാനിച്ചത്. ഇവർക്ക് 4 മക്കളുണ്ട് .ജീവിതത്തിലെ വെല്ലുവിളികളെ തരണം ചെയ്ത കുടുംബത്തെ കരകയറ്റാൻ പോരാടുന്ന രേഖ നേരം വെളുക്കുമ്പോൾ തന്നെ ഭർത്തവിനൊപ്പം മീൻപിടിത്തത്തിനിറങ്ങും.മത്സ്യ ബന്ധനത്തിനുള്ള വലയുമായി രേഖയെ ചേറ്റുവ കടപ്പുറത്ത് കാണാൻ കഴിയും.. ഒരു ദിശാ സൂചികയുടെയും സഹായമില്ലാതെ 20 മുതല്‍ 30 നോട്ടിക്കല്‍ മൈല്‍ വരെ തങ്ങളുടെ പഴയ ബോട്ടിൽ ഈ ദമ്പതികൾ തുഴഞ്ഞ് പോകും.കേന്ദ്ര മറൈന്‍ ഫിഷറീസ് റിസര്‍ച്ച്‌ ഇന്‍സ്റ്റിറ്റ്യൂട്ട് രേഖയെ ആദരിച്ചിരുന്നു.പരമബരാഗതമായി കിട്ടിയ അറിവും കടലമ്മയുടെ തുണയുമാണ് തങ്ങള്‍ക്കുള്ളത് എന്നാണ് രേഖയുടെ മറുപടി.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

India’s First Licensed Fisherwoman-K C Rekha.