കുവൈറ്റിൽ വിദ്യാഭ്യാസ യോഗ്യതയില്ലാത്ത വിദേശികള്‍ക്ക് തിരിച്ചടി

ഉയര്‍ന്ന പദവികള്‍ അലങ്കരിച്ചിരുന്ന നിരവധി വിദേശികളുടെ യോഗ്യത സര്‍ട്ടിഫിക്കറ്റുകള്‍ പരിശോധിച്ച ശേഷമാണ് മാന്‍പവര്‍ അതോറിറ്റിയുടെ നടപടി

കുവൈറ്റിൽ സ്വകാര്യ മേഖലയില്‍ മതിയായ വിദ്യാഭ്യാസ യോഗ്യതയില്ലെന്ന് കണ്ടെത്തിയ ആയിരക്കണക്കിന് വിദേശികളെ നിലവിലുള്ള തൊഴില്‍ തസ്തികകളില്‍ നിന്നും തരം താഴ്ത്തി.
ഉയര്‍ന്ന പദവികള്‍ അലങ്കരിച്ചിരുന്ന നിരവധി വിദേശികളുടെ യോഗ്യത സര്‍ട്ടിഫിക്കറ്റുകള്‍ പരിശോധിച്ച ശേഷമാണ് മാന്‍പവര്‍ അതോറിറ്റിയുടെ നടപടി.രാജ്യത്തെ സ്വകാര്യ മേഖലയിലെ കമ്പനികളില്‍ സൂപ്പര്‍വൈസര്‍ പദവികള്‍ വഹിക്കുന്ന പ്രവാസികള്‍ക്കാണ് നടപടി നേരിടേണ്ടി വന്നത്.കുവൈറ്റ് വിദേശകാര്യ മന്ത്രാലയത്തിന്റെ നടപടി ക്രമങ്ങളുടെ ഭാഗമായിട്ടുള്ള അക്രഡിറ്റേഷന്‍ നേടാത്തതും, മതിയായ വിദ്യാഭ്യാസ യോഗ്യത ഇല്ലെന്നും കണ്ടെത്തിയ സര്‍ട്ടിഫിക്കറ്റുകളുടെ ഉടമകള്‍ ക്കെതിരെയാണ് മാന്‍പവര്‍ അതോറിറ്റി നടപടി സ്വീകരിച്ചത്.ഉന്നത വിദ്യാഭ്യാസ സര്‍ട്ടിഫിക്കറ്റിന്റെ ആധികാരികത തെളിയിക്കാന്‍ വിദേശികള്‍ക്ക് കഴിഞ്ഞിട്ടില്ല എന്നതിന്റെ അടിസ്ഥാനത്തിലാണ് നടപടി സ്വീകരിക്കാന്‍ കാരണമായത്.
ഉന്നത വിദ്യാഭ്യാസ യോഗ്യതയുള്ള പ്രവാസികളുടെ വര്‍ക്ക് പെര്‍മിറ്റ് പുതുക്കുന്നതിനായി മാന്‍പവര്‍ അതോറ്റി പുതിയ വ്യവസ്ഥ ചില മാനദണ്ടങ്ങളുടെ അടിസ്ഥാനത്തിലാണ് നടപ്പാക്കിയിട്ടുള്ളത്.
കാലാവധി തീരുന്ന വര്‍ക്ക് പെര്‍മിറ്റ് പുതുക്കുന്നതിനുള്ള അപേക്ഷയോടൊപ്പം ഉന്നത വിദ്യാഭ്യാസ യോഗ്യതാ സര്‍ട്ടിഫിക്കറ്റ് അറ്റസ്റ്റ് ചെയ്ത് സമര്‍പ്പിക്കണം.എന്നാല്‍ ഈ സാഹചര്യത്തില്‍ നിരവധി വിദേശികള്‍ രാജ്യം വിട്ടു പോകുന്നതിനെ കുറിച്ച് ആലോചിക്കുകയാണ്.വിദ്യാഭ്യാസ യോഗ്യത സംബന്ധിച്ച നടപടികള്‍ കര്‍ശനമാക്കാനാണ് സര്‍ക്കാര്‍ തീരുമാനം.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

kuwait private sector job in crises for foreigners.