ഗ്യാസ് ടാങ്കറുകള്‍ക്ക് വെള്ള നിറം നിര്‍ബന്ധമാക്കി

കണ്ടെയിനറുകളില്ലെങ്കില്‍ ടാര്‍പോളിന്‍കൊണ്ടെങ്കിലും ലോഡുകള്‍ പൂര്‍ണമായും മൂടണം


പാചകവാതകമടക്കമുള്ള അപകടകരമായ സാധനങ്ങള്‍ കൊണ്ടുപോകുന്ന ടാങ്കറുകള്‍ക്ക് വെള്ള പെയിന്റ് നിര്‍ബന്ധമാണെന്ന് കേന്ദ്ര മോട്ടോര്‍വാഹനവകുപ്പ്. മോട്ടോര്‍ വാഹന നിയമം 137 പ്രകാരം ഇക്കാര്യം പരാമര്‍ശിക്കുന്നുണ്ടെങ്കിലും രാജ്യത്തെ മിക്ക ടാങ്കറുകളും ഇതനുസരിക്കുന്നില്ല. പല കമ്പനികളും പല നിറത്തിലുള്ള ടാങ്കറുകളാണ് ഇതിനുപയോഗിക്കുന്നത്. വേഗത്തില്‍ തിരിച്ചറിയാന്‍ വേണ്ടിയാണ് ഏകീകൃത നിറമെന്ന നിബന്ധനവെച്ചിട്ടുള്ളത്. മുന്നിലും പിന്നിലും റിഫ്‌ളക്ടറുകളും വേണം. കേന്ദ്ര മോട്ടോര്‍വാഹന നിയമത്തില്‍ 138 എ ക്കു ശേഷം 138 ബി ആയാണ് പുതിയ നിര്‍ദേശം കൂട്ടിച്ചേര്‍ത്തിരിക്കുന്നത്. കണ്ടെയിനറുകളില്ലെങ്കില്‍ ടാര്‍പോളിന്‍കൊണ്ടെങ്കിലും ലോഡുകള്‍ പൂര്‍ണമായും മൂടണം. കല്ല്, മണ്ണ്, സിമന്റ് തുടങ്ങി പൊടി പറക്കാന്‍ സാധ്യതയുള്ള സാധനങ്ങള്‍ കൊണ്ടുപോകുന്ന ലോറികള്‍ മൂടണമെന്ന് കേരളത്തില്‍ നേരത്തേത്തന്നെ നിര്‍ദേശമുണ്ട്. എന്നാല്‍ കേന്ദ്രനിയമം വരുന്നതോടെ കൂടുതല്‍ കര്‍ശനമാക്കേണ്ടിവരും. നാഷണല്‍ പെര്‍മിറ്റ് വാഹനങ്ങളില്‍ മുന്നിലും പിന്നിലും വലിയ അക്ഷരത്തില്‍ എന്‍.പി. എന്നെഴുതണം. ദീര്‍ഘദൂര ചരക്കുലോറികളില്‍ വെഹിക്കിള്‍ ട്രാഫിക്കിങ് സംവിധാനവും വേണമെന്ന് പുതിയനിയമം അനുശാസിക്കുന്നു.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

white colour-are-mandatory-for-gas-tankers.