ഇന്ത്യയുടെ സുരക്ഷയ്ക്ക് 3,572 കോടിയുടെ 2 റഷ്യൻ യുദ്ധക്കപ്പലുകൾ

ആദ്യ കപ്പൽ 2026 ൽ സേനയുടെ ഭാഗമാകും

മികച്ച ശേഷിയുള്ള രണ്ടു യുദ്ധക്കപ്പലുകൾ കൂടി നിർമിക്കാൻ ഇന്ത്യയും റഷ്യയും ധാരണയിലെത്തി.
എസ്–400 പ്രതിരോധ മിസൈൽ സിസ്റ്റം ഇടപാടുമായി ബന്ധപ്പെട്ട് യുഎസ് ഉപരോധഭീഷണി നിലനിൽക്കെയാണ് 3572 കോടി രൂപയ്ക്ക് രണ്ട് യുദ്ധക്കപ്പലുകൾ കൂടി നിര്‍മിക്കാൻ ഇന്ത്യ റഷ്യയുമായി കാരാറിലെത്തിയിരിക്കുന്നത്. റഡാറുകളുടെ കണ്ണിൽ പെടാതെ സഞ്ചരിക്കാൻ ശേഷിയുള്ള രണ്ടു ചെറു ഗ്രിരോറോവിച്ച് യുദ്ധക്കപ്പലുകളാണ് ഇന്ത്യയും റഷ്യയും സംയുക്തമായി നിർമിക്കുന്നത്.
റഷ്യ നൽകുന്ന സാങ്കേതിക വിദ്യ ഉപയോഗിച്ച് ഗോവ കപ്പൽശാലയിലാണ് ഇവ നിർമിക്കുക.
അടുത്തിടെ ഇന്ത്യ സന്ദർശിച്ച റഷ്യൻ പ്രസിഡന്റ് വ്ലാഡിമിർ പുടിൻ പ്രധാനമന്ത്രി നരേന്ദ്ര മോദിയുമായി നടത്തിയ ചർച്ചകളാണു കരാറിലേക്കു നയിച്ചത്. ഗോവ കപ്പൽശാലയും റഷ്യൻ സർക്കാർ ഉടമസ്ഥതയിലുള്ള റോസോൺബോറോൺ എക്സ്പോർട്ടുമാണ് കരാറിൽ ഒപ്പുവച്ചത്. കപ്പലുകളുടെ നിർമാണം 2020 ൽ ആരംഭിക്കും.റഡാറുകളെ കബളിപ്പിക്കാൻ ശേഷിയുള്ള ആറോളം റഷ്യൻ നിർമിത യുദ്ധക്കപ്പലുകൾ ഇന്ത്യൻ നാവികസേനയുടെ കൈവശമുണ്ട്. ഇതോടൊപ്പം നാലു യുദ്ധക്കപ്പലുകൾ കൂടി ചേരുന്നതോടെ ഏഷ്യയിലെ ശക്തരായ നാവികസേനയായി ഇന്ത്യ മാറും.ആദ്യ കപ്പൽ 2026 ൽ സേനയുടെ ഭാഗമാകും.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

india-russia deal for construction of two guided missile stealth frigates.