ലോകത്തിലെ ആദ്യത്തെ ഭൂഗര്‍ഭ ആഡംബര ഹോട്ടല്‍ ചൈനയില്‍ തുറന്നു

ക്വാറിയുടെ ഒരു ഭാഗത്തായി നിർമിച്ചിട്ടുള്ള ഹോട്ടലിൽ 18 ഫ്ലോറുകളിലായി 336 റൂമുകളുണ്ട്



ഉപയോഗശൂന്യമായികിടന്ന ഒരു കരിങ്കല്‍ ക്വാറിയെ ഒരു ആഡംബര ഹോട്ടലാക്കി മാറ്റിയിരിക്കുന്ന കാഴ്ച ആരെയും അത്ഭുതപെടുത്തും. ഇന്റര്‍ കോണ്ടിനെന്റല്‍ ഷിമാവോ വണ്ടര്‍ലാന്റ് എന്നാണ് ഈ ഹോട്ടല്‍ സമുച്ചയത്തിന്റെ പേര്. ഷാംഗ്ഹായിലെ സോംഗ്ജിയാംഗ് ജില്ലയിലാണ് ഈ ഹോട്ടല്‍ . നവംബര്‍ 15 മുതല്‍ പ്രവർത്തിച്ച് തുടങ്ങിയ ഹോട്ടലിൽ റൂം ബുക് ചെയ്യാൻ വൻ തിരക്കാണ് .നവംബർ മാസത്തിൽ ഹോട്ടലിന്റെ റൂമുകളെല്ലാം ബുക്ക് ചെയ്ത് കഴിഞ്ഞതിനാൽ ഇനി ഡിസംബര്‍ 2 ന് ശേഷം മാത്രമേ മുറികളുണ്ടാകൂ എന്ന് ഹോട്ടല്‍ അധികൃതര്‍ പറയുന്നു. എക്സിക്യൂട്ടീവ് മുറികള്‍ക്ക് വാടക 39000 രൂപയാണ്. ശെഷാൻ മൗണ്ടൻ റേഞ്ചിലെ ക്വാറിയുടെ ഒരു ഭാഗത്തായി നിർമിച്ചിട്ടുള്ള ഹോട്ടലിൽ 18 ഫ്ലോറുകളിലായി 336 റൂമുകളുണ്ട് .ഇതിൽ 18 ഫ്ലോറുകൾ ഭൂമിക്ക് അടിയിലായിട്ടാണ് നിർമിച്ചിട്ടുള്ളത് . ഹോട്ടലിൽ കാണുന്ന ഒരു സ്വാഭാവിക വെള്ളച്ചാട്ടം ആരെയും മണമയക്കുന്നതാണ് . ഇവിടെ താമസിക്കാനെത്തുന്നവര്‍ക്ക് പാറക്കൂട്ടത്തിന് മുകളില്‍ നടക്കാനും കയാക്കിംഗിനും സൗകര്യമൊരുക്കിയിട്ടുണ്ട്. ദ് ക്വാറി ബാര്‍ എന്ന് പേരിൽ ഒരു ബാറുമുണ്ട്. ഇത്തരം പ്രത്യേകതകൾ ഉള്ളത് കൊണ്ട് തന്നെ ഹോട്ടലിന് 'എർത്ത് സ്‌ക്രാപ്പെർ ' എന്ന വിളി പേരുമുണ്ട് .
സ്വാഭാവികമായ പ്രകൃതി സൗന്ദര്യവും അതിനൊപ്പം ആധുനിക സൗകര്യവും അതിഥികള്‍ക്ക് ഒരുക്കുകയാണ് ഈ ഹോട്ടലിന്റെ ലക്ഷ്യമെന്ന് ഓദ്യോഗിക വെബ്സൈറ്റില്‍ പറയുന്നു.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

World's first quarry hotel opens in Shanghai, China.