വിള ഇന്‍ഷുറന്‍സ് പദ്ധതി: റഫാലിനെക്കാള്‍ വലിയ അഴിമതി

റഫാല്‍ ഇടപാടിനെക്കാള്‍ വലിയ തട്ടിപ്പെന്ന് മുതിര്‍ന്ന മാധ്യമപ്രവര്‍ത്തകന്‍ പി. സായ്നാഥ്

കര്‍ഷകര്‍ക്കായി നരേന്ദ്രമോദി സര്‍ക്കാര്‍ നടപ്പാക്കിയ വിള ഇന്‍ഷുറന്‍സ് പദ്ധതി, റഫാല്‍ ഇടപാടിനെക്കാള്‍ വലിയ തട്ടിപ്പെന്ന് മുതിര്‍ന്ന മാധ്യമപ്രവര്‍ത്തകന്‍ പി. സായ്നാഥ്.വിളനഷ്ടം കണക്കാക്കുന്നതില്‍ കര്‍ഷകര്‍ക്ക് പങ്കില്ലാത്ത പദ്ധതിയിലൂടെ 66,000 കോടി രൂപയാണ് കോര്‍പ്പറേറ്റുകള്‍ക്ക് ലഭിക്കുന്നത്. താലൂക്കടിസ്ഥാനത്തില്‍ ഉപഗ്രഹ സര്‍വേയിലൂടെയാണ് ഇതില്‍ നഷ്ടം കണക്കാക്കുന്നത്. എന്നാല്‍, അപേക്ഷിക്കാന്‍ താലൂക്കടിസ്ഥാനത്തില്‍ ഒരു സംവിധാനവുമില്ലെന്നും സായ്നാഥ് പറഞ്ഞു . ഡി.വൈ.എഫ്.ഐ.യുടെ 14-ാം സംസ്ഥാന സമ്മേളനം ടാഗോര്‍ ഹാളിലെ രക്തസാക്ഷി നഗറില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഒരു രൂപ പോലും നിക്ഷേപിക്കാതെ റിലയന്‍സിന് പദ്ധതി ലഭിച്ചത് 'പ്രധാന്‍മന്ത്രി ഫസല്‍ ഭീമ യോജന' ഇടപാടിനെക്കാള്‍ വലിയ തട്ടിപ്പാണെന്നും പി. സായ്നാഥ് പറഞ്ഞു .റിലയന്‍സ്, എസ്സാര്‍ തുടങ്ങിയ കമ്പനികള്‍ക്കാണ് ഇന്‍ഷുറന്‍സ് നല്‍കാനുള്ള ചുമതല. മഹാരാഷ്ട്രയില്‍ ഒരു ജില്ലയില്‍നിന്നുമാത്രം 143 കോടി രൂപയാണ് ഇതിലൂടെ റിലയന്‍സ് ലാഭമായി നേടിയത്.ഭൂമിയില്ലാത്തതിന്റെ പേരില്‍ യഥാര്‍ഥ കര്‍ഷകര്‍ ആത്മഹത്യചെയ്താലും കണക്കുകളില്‍ പെടുന്നുമില്ല -അദ്ദേഹം പറഞ്ഞു.



Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

NDA's crop insurance scheme bigger scam than Rafale: P. Sainath.