മലിന ജലത്തില്‍ നിന്നൊരു പട്ടുണ്ടാക്കിയ കഥ

മൾബറി ഇലകൾ വിളവെടുത്ത് പട്ടുനൂൽ ഉൽപാദന കേന്ദ്രങ്ങളിൽ വിൽക്കുന്നതാണ് മുനിരാജുവിന്‍റെ പ്രധാന വരുമാനം


മലിനജലം കൊണ്ടു മൾബറി കൃഷി ചെയ്ത് പട്ടുത്പാദനത്തിനു വഴിയൊരുക്കി നൂറുമേനി കൊയ്യുകയാണ് ബംഗളുരു സ്വദേശിയായ മുനിരാജു എന്ന കർഷകൻ. പട്ടണങ്ങളിൽ നിന്നും ഒഴുക്കിവിടുന്ന മലിനജലം കൃഷിക്കായി പല കർഷകരും കൃഷിക്ക് ഉപയോഗിക്കാറുണ്ടെങ്കിലും ഇത്തരത്തിൽ ഉൽപാദിപ്പിക്കുന്ന പച്ചക്കറികളിലും മറ്റും വിഷാംശം ഉണ്ടാകാനുള്ള സാധ്യതകള്‍ പലമടങ്ങ്‌ കൂടുതലാണ്. വെറുതെ പാഴകുന്ന മലിനജലം എങ്ങനെ ഫലപ്രദമായി ഉപയോഗിക്കാം എന്നാ അന്വേഷണമാണ് മുനിരാജുവിനെ മള്‍ബറി കൃഷിയില്‍ കൊണ്ടെത്തിച്ചത്. ഇത്തരത്തില്‍ കൃഷി ചെയ്യുന്ന പാകമായ മൾബറി ഇലകൾ പട്ടുനൂൽ ഉൽപാദിപ്പിക്കുന്ന കേന്ദ്രങ്ങൾക്കു നൽകുകയാണ് മുനിരാജു ചെയ്യുന്നത്. മഴക്കാലത്തു പട്ടണപ്രദേശങ്ങളിൽ നിന്നും വലിയ അളവിൽ ഒഴുകിയെത്തുന്ന മലിനജലം വലിയ കുഴികളിൽ സംഭരിച്ചാണ് മുനിരാജു കൃഷിക്കായി ഉപയോഗിക്കുന്നത്. മൾബറി ഇലകൾ വിളവെടുത്ത് പട്ടുനൂൽ ഉൽപാദന കേന്ദ്രങ്ങളിൽ വിൽക്കുന്നതിൽ നിന്നും നല്ല വരുമാനമാണ് മുനിരാജുവിനു ലഭിക്കുന്നത്. ജലക്ഷാമം മൂലം വിഷമയമായ മലിനജലം കൊണ്ടു പച്ചക്കറി കൃഷി ചെയ്യാൻ നിർബന്ധിതരാകുന്ന കർഷകർക്കു പ്രചോദനമാകുകയാണ് മുനിരാജുവിന്‍റെ ഈ കൃഷി രീതി.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Farmers using sewage water to make saris.