ഏറ്റവും കൂടുതല്‍ യൂട്യൂബ് സബ്സ്ക്രൈബേഴ്‍സ് റെക്കോർഡിലേക്ക് ടി-സീരിസ്

കൂടുതല്‍ കാഴ്ചക്കാരുള്ള അക്കൗണ്ട് എന്ന പ്യൂഡൈപൈയുടെ കുത്തകയാണ് ടീസിരീസ് തിരുത്തിയത്

യൂട്യൂബില്‍ ലോകത്ത് തന്നെ ഏറ്റവും കൂടുതല്‍ സബ്സ്ക്രൈബേഴ്‍സ് എന്ന റെക്കോഡിലേക്ക് നീങ്ങി ഇന്ത്യൻ യൂട്യൂബ് ചാനലായ ടി-സീരിസ്. ഇപ്പോള്‍ സ്വീഡിഷ് ഗെയിമിംഗ് ചാനലായ പ്യൂഡൈപൈ എന്ന യൂട്യൂബ് ആക്കൗണ്ടാണ് ഇപ്പോള്‍ ലോകത്ത് ഏറ്റവും കൂടുതല്‍ സബ്സ്ക്രൈബേഴ്‍സ് ഉള്ളത്. ഇന്ത്യയിലെ ഓഡിയോ രംഗത്തെ അതികായന്മാരായ ടി-സീരിസിന്‍റെ അക്കൗണ്ടിന് ഇപ്പോള്‍ 70,140,501 സബ്സ്ക്രൈബേഴ്‍സ് ആണ് ഉള്ളത്. പ്യൂഡൈപൈയ്ക്ക് ഇപ്പോള്‍ ഉള്ള സബ്സ്ക്രൈബേഴ്‍സിന്‍റെ എണ്ണം 70,516,918 ആണ്.ഇപ്പോള്‍ തന്നെ മാസത്തില്‍ ഏറ്റവും കൂടുതല്‍ കാഴ്ചക്കാരുള്ള അക്കൗണ്ട് ടി-സീരിസാണ്. കഴിഞ്ഞ 5 വര്‍ഷമായി യൂട്യൂബില്‍ ഒരു മാസത്തില്‍ ഏറ്റവും കൂടുതല്‍ കാഴ്ചക്കാരുള്ള അക്കൗണ്ട് എന്ന പ്യൂഡൈപൈയുടെ കുത്തകയാണ് ടീസിരീസ് തിരുത്തിയത്. കഴിഞ്ഞ മാസം മാത്രം 3 ദശലക്ഷം പുതിയ സബ്സ്ക്രൈബേഴ്‍സിനെ ടി-സീരിസിന് ലഭിച്ചിട്ടുണ്ട്.പ്രധാന ചാനലിന് പുറമേ ഏതാണ്ട് 29 മറ്റ് യൂട്യൂബ് അക്കൗണ്ടുകളും ടി-സീരിസ് കൈകാര്യം ചെയ്യുന്നുണ്ട്. ഇതിലും ഏതാണ്ട് 1 കോടി സബ്സ്ക്രൈബേഴ്‍സ് ഉണ്ട്. 1984 ല്‍ ഗുല്‍ഷന്‍ കുമാര്‍ സ്ഥാപിച്ചതാണ് ടി-സീരിസ്. 1997ല്‍ ഇദ്ദേഹം മുംബൈ അധോലോകത്താല്‍ കൊലചെയ്യപ്പെട്ടു. തുടര്‍ന്ന് ഇദ്ദേഹത്തിന്‍റെ മക്കളാണ് ഇത് നടത്തി വരുന്നത്.ഇന്ത്യയില്‍ റിലയന്‍സ് ജിയോ വന്നതിന് ശേഷം ഉണ്ടായ 4ജി തരംഗം തങ്ങളെ സഹായിച്ചെന്ന് ടി-സീരിസ് തലവന്‍ ഭൂഷന്‍ കുമാര്‍ പറയുന്നു.വിദേശ കാഴ്ചക്കാരുടെ എണ്ണത്തിലും ടി-സീരിസ് ഏറെ മുന്നിലാണ്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

highest you tube subscribers record for T-series.