ശവപ്പറമ്പായി നത്റോൺ തടാകം

ആഫ്രിക്കയിലെ ഏറ്റവും സുന്ദരമായ തടാകങ്ങളിൽ ഒന്നാണ് ടാൻസാനിയയിലെ നത്റോൺ തടാകം

ആഫ്രിക്കയിലെ ഏറ്റവും സുന്ദരമായ തടാകങ്ങളിൽ ഒന്നാണ് ടാൻസാനിയയിലെ നത്റോൺ തടാകം. സുന്ദരമായ ഈ തടാകമിപ്പോള്‍ ഒരു ശവപ്പറമ്പാണ്. ആഫ്രിക്കയിലെ കെനിയന്‍ ബോര്‍ഡറിലാണ് ഈ തടാകം സ്ഥിതി ചെയ്യുന്നത്. തടാകത്തില്‍ ഒന്ന്‍ മുങ്ങി നിവര്‍ന്നാല്‍ ഏതൊരു ജീവിയും കല്ലായി മാറും എന്നതാണ് അവസ്ഥ. അടുത്തുള്ള ഒരു അഗ്നിപര്‍വ്വതത്തില്‍ നിന്നും പുറന്തള്ളുന്ന ധാതുക്കള്‍ മൂലം വമ്പിച്ച തോതില്‍ ഉപ്പ് അടങ്ങിയതാണ് ഈ തടാകം. 60 ഡിഗ്രി സെല്‍ഷ്യസ് ആണ് ഇവിടത്തെ ചൂട്. തടാകതിനടുത്തുള്ള മരച്ചില്ലയിലും മറ്റും നമുക്ക് കാണാനാവുക കല്ല്‌ പോലെ ഇരിക്കുന്ന പക്ഷി മൃഗാദികളെ കാണാം.ചത്തുപോയ ഈ ജീവികള്‍ ഒന്നും ചത്തുമലച്ചു കിടക്കുന്നതായി അല്ല നമുക്ക് അനുഭവപ്പെടുക. ജീവന്‍ നഷ്ടപ്പെട്ട നിമിഷത്തില്‍ അവ നിന്നിരുന്ന അതേ അവസ്ഥയിലാണ് ഇപ്പോഴും. നത്റോൺ തടാകത്തിലെ ജലത്തിന്‍റെ പി എച്ച് 10.5 ൽ കൂടുതലാണ്. തടാകത്തില്‍ ഇറങ്ങുന്ന മൃഗങ്ങളുടെ കണ്ണുകളും തൊലിയും പൊള്ളിപ്പോകും. ചുറ്റുമുള്ള കുന്നുകളിൽ നിന്ന് തടാകത്തിൽ ഒഴുകുന്ന സോഡിയം കാർബണേറ്റും മറ്റ് ധാതുക്കളും കാലക്രമത്തില്‍ തടാകത്തിലെ വെള്ളത്തിൽ മരിക്കുന്ന മൃഗങ്ങളുടെ ജഡത്തിന്‍റെ കാഠിന്യത്തെ സംരക്ഷിച്ച് പ്രതിമകളാക്കുന്നു.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

LAKE NATRON.