ഈ കൂട്ടുകാരിയെ കണ്ടെത്തിത്തരുമോ? ട്വീറ്റിലൂടെ ഒന്നായ സുഹൃത്തുക്കൾ

ട്വിറ്റർ വഴി രണ്ടു സുഹൃത്തുക്കള്‍ കാലങ്ങള്‍ക്കിപ്പുറം വീണ്ടും കണ്ടുമുട്ടിയ കഥയാണ് സാമൂഹിക മാധ്യമത്തില്‍ നിറയുന്നത്.

യു.എസ്സിലെ ബ്രയാന്‍ക്രൈ എന്ന ട്വിറ്റര്‍ ഉപയോക്താവില്‍ നിന്നു വന്ന ട്വീറ്റ് ആണ് എല്ലാത്തിനും തുടക്കമായത്. ഒരു പെണ്‍കുട്ടിക്കൊപ്പമുള്ള ചിത്രമായിരുന്നു അത്. ഒപ്പം ഈ പെണ്‍കുട്ടിയെ കണ്ടെത്താന്‍ സഹായിക്കുമോ എന്നു കുറിക്കുകയും ചെയ്തു.'' ഹേയ് ട്വിറ്റര്‍, 2006ല്‍ ഒരു ഡിന്നറിനിടയിലാണ് ഞാന്‍ ഈ പെണ്‍കുട്ടിയെ പരിചയപ്പെടുന്നത്. ആ രാത്രിയില്‍ എന്റെ ബെസ്റ്റ് ഫ്രണ്ടായിരുന്ന ഈ പെണ്‍കുട്ടിയെ കണ്ടെത്താന്‍ സഹായിക്കാമോ? ഞാന്‍ അവളെ മിസ് ചെയ്യുന്നുണ്ട്, ഇപ്പോള്‍ അവള്‍ എന്തു ചെയ്യുകയായിരിക്കുമെന്ന് അറിയാന്‍ ആഗ്രഹിക്കുന്നുണ്ട്. ദയവുചെയ്ത് റീട്വീറ്റ് ചെയ്ത് ഞങ്ങളെ ഒന്നിക്കാന്‍ അനുവദിക്കൂ. ''- ഇതായിരുന്നു പെണ്‍കുട്ടി ട്വീറ്റ് ചെയ്തിരുന്നത്.ട്വീറ്റ് അധികം വൈറലാകുന്നതിനു മുമ്പു തന്നെ ബ്രയാന്‍ക്രൈക്ക് തന്റെ സുഹൃത്തിന്റെ കണ്ടെത്താനും കഴിഞ്ഞു. 'നീ എന്നെ തിരയുന്നുണ്ടെന്നു കേട്ടു' എന്ന ക്യാപ്ഷനോടെ ഹെയ് എന്ന പേരുള്ള പെണ്‍കുട്ടി താന്‍ തന്നെയാണ് ചിത്രത്തിലുള്ളതെന്ന് വ്യക്തമാക്കി ട്വീറ്റ് ചെയ്യുകയായിരുന്നു. ഇരുവരും ഒന്നിച്ചുള്ള പഴയ ചിത്രം പങ്കുവെക്കുകയും ചെയ്തു.എന്തായാലും ഇരുവരെയും ഒന്നിപ്പിക്കാന്‍ കഴിഞ്ഞ സന്തോഷത്തിലാണ് സാമൂഹിക മാധ്യമത്തിലെ പലരും.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

reunited two best freinds through social media.