പെറ്റ് ഗ്രൂമിംഗില്‍ അവസരങ്ങള്‍ ഏറെ


വീട്ടോമനകളെ ഒരുപാട് ഇഷ്ടപ്പെടുന്നവര്‍ക്ക് തിരഞ്ഞെടുക്കാന്‍ പറ്റിയ തൊഴിലാണ് പെറ്റ് ഗ്രൂമിങ്


വളര്‍ത്തുമൃഗങ്ങള്‍ക്കുവേണ്ടി ഉടമകള്‍ ലക്ഷക്കണക്കിന് രൂപ ചെലവഴിക്കുമ്പോള്‍ പെറ്റ് ഗ്രൂമിംഗ് മേഖലയില്‍ അവസരങ്ങള്‍ കൂടുകയാണ്.പെറ്റ് ഗ്രൂമിങ് എന്നത് പാര്‍ട്ട് ടൈമായും ഫുള്‍ ടൈമായും ചെയ്യാന്‍ കഴിയുന്ന തൊഴിലാണ്. വീട്ടിലിരുന്നും ചെയ്യാം. എന്നാല്‍, എല്ലാവരും കരുതുന്നതുപോലെ പട്ടിയെ കുളിപ്പിക്കലല്ല പെറ്റ് ഗ്രൂമിങ്. കൃത്യമായ പഠനവും പരിശീലനവും ഇതിന് ആവശ്യമാണ്. ലക്ഷങ്ങള്‍ വിലയുള്ള വളര്‍ത്തുമൃഗങ്ങളെ അണിയിച്ചൊരുക്കിയെടുക്കുക എളുപ്പമുള്ള പണിയല്ല. കൃത്യമായ പരിശീലനവും ഈ മേഖലയില്‍ താത്പര്യവും ഉണ്ടെങ്കില്‍ ആര്‍ക്കും ഉയര്‍ച്ചനേടാം. വീട്ടോമനകളെ ഒരുപാട് ഇഷ്ടപ്പെടുന്നവര്‍ക്ക് തിരഞ്ഞെടുക്കാന്‍ പറ്റിയ തൊഴിലാണ് പെറ്റ് ഗ്രൂമിങ്. പെറ്റ് ഗ്രൂമിങ് എന്നത് വളര്‍ത്തുമൃഗങ്ങളുടെ ആരോഗ്യം, സ്‌റ്റൈല്‍, ലുക്ക് തുടങ്ങിയ കാര്യങ്ങളെക്കുറിച്ചുപഠിക്കുന്ന കോഴ്‌സാണ്. വളര്‍ത്തുമൃഗങ്ങളുടെ ടീത്ത് ബ്രഷിങ്, നെയില്‍ ക്ലിപ്പിങ്, നെയില്‍ ട്രിമ്മിങ്, നോര്‍മല്‍ ബാത്തിങ്, ഷാംപു ചെയ്യല്‍, കണ്ടീഷനിങ്, ബ്ലോഡ്രൈ, പെര്‍ഫ്യൂമിങ് ആന്‍ഡ് ഫിനിഷിങ്, ഹെയര്‍കട്ടിങ് ആന്‍ഡ് ?സ്റ്റൈലിങ് കാര്യങ്ങളാണ് പെറ്റ് ഗ്രൂമിങ്ങില്‍ ഉള്‍പ്പെടുന്നത്. പെറ്റ് ഗ്രൂമര്‍ ആകാന്‍ ഏറ്റവും അത്യാവശ്യം വളര്‍ത്തുമൃഗങ്ങളോട് ഇണങ്ങാനും അവയെ മെരുക്കിയെടുക്കാനുമുള്ള കഴിവാണ്. ഹെയര്‍ കട്ടിങ് മുതലായ സ്‌റ്റൈലിങ് ചെയ്യുന്നവര്‍ക്ക് കലാപരമായ കഴിവും ആവശ്യമാണ്. ഇവയൊക്കെ ഉണ്ടെങ്കില്‍ പെറ്റ് ഗ്രൂമിങ് ആര്‍ക്കും പഠിക്കാന്‍ സാധിക്കും.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

pet grooming; a rising career option.