വിമാനം വലിച്ചുനീക്കിയ പോലീസ് വനിതാസംഘത്തിന് ഗിന്നസ് തിളക്കം

240 ടൺ ഭാരമുള്ള വിമാനം നൂറു മീറ്ററോളം ഇവർ വലിച്ചു നീക്കി

എമിറേറ്റ്‌സ് ബോയിങ് വിമാനം കെട്ടിവലിച്ചു നീക്കി ദുബായ് പോലീസിലെ വനിതാസംഘം പുതിയൊരു ഗിന്നസ് റെക്കോഡ് സ്വന്തമാക്കി. ദുബായ് ഫിറ്റ്‌നസ് ചലഞ്ചിന്റെ ഭാഗമായാണ് സ്ത്രീശക്തി തെളിയിച്ച് റെക്കോഡ് പിറന്നത്. എമിറേറ്റ്‌സിന്റെ ബോയിങ് 777-300 വിമാനം 77 വനിതാ പോലീസുദ്യോഗസ്ഥർ ചേർന്ന് കെട്ടി വലിച്ച് നീക്കുകയായിരുന്നു. 240 ടൺ ഭാരമുള്ള വിമാനം നൂറു മീറ്ററോളം ഇവർ വലിച്ചു നീക്കി.
ദുബായ് പോലീസ് മേധാവി മേജർ ജനറൽ അബ്ദുല്ല ഖലീഫ അൽ മാറി ഗിന്നസ് പ്രതിനിധികളിൽ നിന്ന് സർട്ടിഫിക്കറ്റ് ഏറ്റുവാങ്ങി. ദുബായ് പോലീസിന്റെ നേട്ടങ്ങളിലേക്ക് മറ്റൊരു പൊൻതൂവൽ കൂടിയെത്തിയെന്ന് അദ്ദേഹം അഭിപ്രായപ്പെട്ടു. ആരോഗ്യ പരിപാലനം തുടങ്ങാനും ശീലമാക്കാനും പ്രേരിപ്പിക്കുന്ന ദുബായ് ഫിറ്റ്‌നസ് ചലഞ്ചിന്റെ ഭാഗമാകാൻ സാധിച്ചതിൽ അദ്ദേഹം സന്തോഷം പ്രകടിപ്പിച്ചു.Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

GUINNESS RECORD FOR WOMEN POLICE SQAUD WHO PULLED AEROPLANE.