അക്ഷരമുത്തശ്ശിയെ തിരക്കി കോമൺ വെൽത്ത് എത്തുന്നു

രാജ്യത്തെ ഏറ്റവും മുതിര്‍ന്ന സാക്ഷരതാ പഠിതാവ് എന്ന ഖ്യാതിയും മുത്തശ്ശിയ്ക്ക് സ്വന്തമാണ്

മലയാളികളുടെ മിടുക്കി മുത്തശ്ശി കാര്‍ത്ത്യായനിയമ്മയെ കാണാന്‍ കോമണ്‍വെല്‍ത്ത് പ്രതിനിധിസംഘം വരുന്നു. 96ാം വയസ്സില്‍ 98 മാര്‍ക്ക് വാങ്ങിയത് അന്താരാഷ്ട്രസമൂഹം അദ്ഭുതത്തോടെയാണ് കാണുന്നതെന്നാണ് പ്രതിനിദികളുടെ വിലയിരുത്തല്‍. വിദൂരവിദ്യാഭ്യാസത്തിന്റെ പ്രചാരണത്തിനും പ്രോത്സാഹനത്തിനുമായി കോമണ്‍വെല്‍ത്ത് രാജ്യങ്ങള്‍ രൂപംകൊടുത്ത കൂട്ടായ്മയായ കോമണ്‍വെല്‍ത്ത് ലേണിങ് പ്രതിനിധികളാണ് വരുന്നത്. വ്യാഴാഴ്ച ഇവര്‍ക്ക് കാര്‍ത്ത്യായനിയമ്മയുമായി കൂടിക്കാഴ്ച നടത്താനുള്ള ഒരുക്കങ്ങള്‍ സംസ്ഥാന സാക്ഷരതാമിഷന്‍ തുടങ്ങി.രാജ്യത്തെ ഏറ്റവും മുതിര്‍ന്ന സാക്ഷരതാ പഠിതാവ് എന്ന ഖ്യാതിയും നമ്മുടെ മുത്തശ്ശിയ്ക്ക് സ്വന്തമാണ് ഇന്ത്യ ഉള്‍പ്പെടെ 51 രാജ്യങ്ങളാണ് കോമണ്‍വെല്‍ത്തിലുള്ളത്. കാര്‍ത്ത്യായനിയമ്മയുടെ നേട്ടം അന്താരാഷ്ട്ര തലത്തില്‍ വിദൂരവിദ്യാഭ്യാസത്തിന്റെയും സാക്ഷരതാ പ്രവര്‍ത്തനങ്ങളുടെയും പ്രചാരണത്തിന് ഉപയോഗപ്പെടുത്താനാണ് കോമണ്‍വെല്‍ത്ത് ലേണിങ് ശ്രമിക്കുന്നത്. അതിനായാണ് കാര്‍ത്ത്യായനിയമ്മയെ നേരിട്ട് കാണുന്നത്.സ്‌കൂളിന്റെ പടിവാതില്‍ കണ്ടിട്ടില്ലാത്ത ഈ മുത്തശ്ശി നാലാംക്ലാസ് ലക്ഷ്യമിട്ടാണ് അക്ഷരലക്ഷം പരീക്ഷ എഴുതിയത്. എന്നാല്‍ വിജയത്തെ തുടർന്ന് ഇനി ഏഴ്, പത്ത് ക്ലാസുകളിലെ തുല്യതാ പരീക്ഷ ജയിച്ചുകയറി ജോലി നേടുകയെന്ന ലക്ഷ്യത്തെപ്പറ്റിയാണ് കാര്‍ത്ത്യായനിയമ്മ പറയുന്നത്. ഇപ്പോള്‍ എഴുത്തും വായനയ്ക്കുമൊപ്പം കമ്പ്യൂട്ടർ പഠിക്കുകയാണ് നാടിന്റെ അക്ഷരമുത്തശ്ശി.



Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

common wealth arrives to visit aksharamuthashi karthiyaniyamma.