വയസ്സ് ഏഴ്; വരുമാനം 155 കോടി; യൂട്യൂബര്‍മാരില്‍ കേമൻ

റയാന്‍ ടോയ്‌സ് റിവ്യൂ എന്ന ചാനലിലൂടെ പുതിയ കളിപ്പാട്ടങ്ങള്‍ പരിചയപ്പെടുത്തുകയും വിലയിരുത്തുകയുമാണ് റയാന്‍ ചെയ്യുന്നത്

യൂട്യൂബ് സമ്പന്നരിൽ ഒന്നാമത് ഒരു ഏഴു വയസ്സുകാരൻ. റയാന്‍ എന്ന ഏഴു വയസ്സുകാരന്റെ വരുമാനം 155 കോടിയിലധികം രൂപയാണ്.
ഏറ്റവും അധികം വരുമാനമുണ്ടാക്കുന്ന യൂട്യൂബര്‍മാരില്‍ മുന്നിലാണ് ഈ ഏഴ് വയസുകാരന്‍. അമേരിക്കന്‍ ബിസിനസ് മാഗസിനായ ഫോര്‍ബ്‌സ് പുറത്തുവിട്ട 2018 ലെ ഏറ്റവും അധികം വരുമാനം നേടുന്ന യൂട്യൂബ് താരങ്ങളുടെ പട്ടികയിലാണ് റയാന്‍ എന്ന ഏഴ് വയസുകാരന്‍ ഒന്നാം സ്ഥാനത്തുള്ളത്.
റയാന്‍ ടോയ്‌സ് റിവ്യൂ എന്നാണ് ചാനലിന്റെ പേര്.
ചാനലിലൂടെ പുതിയ കളിപ്പാട്ടങ്ങള്‍ പരിചയപ്പെടുത്തുകയും വിലയിരുത്തുകയുമാണ് റയാന്‍ ചെയ്യുന്നത്.
2018 ജൂണ്‍ വരെയുള്ള പന്ത്രണ്ട് മാസങ്ങളില്‍ റയാന്‍ നേടിയത് 2.2 കോടി ഡോളറാണ് , ഏകദേശം 155 കോടിയിലധികം രൂപ. ഇത് കഴിഞ്ഞ വര്‍ഷത്തെ റയാന്‍ നേടിയ വരുമാനത്തിന്റെ ഇരട്ടിയാണ്. 2017 ല്‍ ഫോര്‍ബ്‌സ് പട്ടികയില്‍ എട്ടാം സ്ഥാനത്തായിരുന്നു റയാന്‍.
റയാനെ കൂടാതെ ഫോര്‍ബ്‌സ് പട്ടികയിലുള്ള മറ്റ് സമ്പന്നരായ യൂട്യൂബര്‍മാരെല്ലാം മുതിര്‍ന്നവരാണ്.
മാതാപിതാക്കള്‍ക്കൊപ്പമാണ് റയാന്‍ ടോയ്‌സ് റിവ്യൂ ചാനല്‍ വീഡിയോകള്‍ ഒരുക്കുന്നത്. റയാന്റെ രസകരമായ അവതരണ രീതിയും അമ്മയുടെയും അച്ഛന്റെയും പിന്തുണയും ചാനലിന്റെ വിജയത്തിന് കാരണമാണ്.
ജേക്ക് പോള്‍, അഞ്ച് പേരടങ്ങുന്ന കായിക സംഘം ഡ്യൂഡ് പെര്‍ഫെക്റ്റ്, ഗെയിമര്‍മാരുടെ സംഘം ഡാന്‍ ടിഡിഎം, മേക്ക് അപ്പ് ആര്‍ട്ടിസ്റ്റ് ജഫ്രീ സ്റ്റാര്‍, മാര്‍കിപ്ലയര്‍, വാനോസ് ഗെയിമിഭ്, ജാക്ക് സെപ്റ്റിക് ഐ, പ്യൂ ഡൈ പൈ, ലോഗന്‍ പോള്‍ എന്നിവരാണ് പട്ടികയിലുള്ളത്.
ജേക്ക് പോള്‍ന് 2.15 കോടി ഡോളര്‍ ഏകദേശം 152 കോടി രൂപയാണ് വരുമാനം.ഡ്യൂഡ് പെര്‍ഫെക്റ്റ്- 2.0 കോടി ഡോളര്‍ ഏകദേശം 140 കോടി രൂപയും, ഡാന്‍ ടിഡിഎം- 1.85 കോടി ഡോളര്‍ ഏകദേശം 130 കോടി രൂപയും നേടുന്നു. ജഫ്രീ സ്റ്റാര്‍ എന്ന മക്ക അപ്പ് ആർടിസ്റ്റിനു - 1.8 കോടി ഡോളര്‍ ഏകദേശം 126.67 കോടി രൂപയും,മാര്‍കിപ്ലയര്‍ - 1.75 കോടി ഡോളര്‍ ഏകദേശം 120 കോടി രൂപയും, വാനോസ് ഗെയിമിങ് - 1.7 കോടി ഡോളര്‍ ഏകദേശം 119.63 കോടി രൂപയും ആണ് വരുമാനം. ജാക്ക് സെപ്റ്റിക് ഐ - 1.6 കോടി ഡോളര്‍ഏകദേശം 112.61 കോടി രൂപയും, പ്യൂ ഡൈ പൈ - 1.55 കോടി ഡോളര്‍ ഏകദേശം 10.