മീശപ്പുലിമലയെ കുറിച്ച് കേട്ടിട്ടുണ്ടോ?

പുലര്‍ച്ചെ മുതല്‍തന്നെ കുറുമ്പാലക്കോട്ടയിലേക്കുള്ള റോഡുകളിലെല്ലാം സഞ്ചാരികളുടെ തിരക്കാണ്


വയനാട് ജില്ലയുടെ മീശപ്പുലിമലയെ കുറിച്ച് കേട്ടിട്ടുണ്ടോ? കോടമഞ്ഞിൽ പുതച്ചു നിൽക്കുന്ന സൂര്യനുള്ള
മലയായ കുറുമ്പാലക്കോട്ടയെ പരിചയപ്പെടാം.
മേഘങ്ങള്‍ക്കിടയിലൂടെ സ്വര്‍ണത്തേരിലേറി ഉദിച്ചുയരുന്ന സൂര്യന്‍. കാറ്റിന്റെ താളത്തിനൊപ്പം പറന്നകലുന്ന കോടമഞ്ഞ്. മനസിനെയും ശരീരത്തെയും ഒരുപോലെ കുളിരണിയിക്കുന്ന കാഴ്ച. വയനാട്ടിലെ മീശപ്പുലിമലയെന്ന് അറിയപ്പെടുന്ന കുറുമ്പാലക്കോട്ടയില്‍ പ്രകൃതിയൊരുക്കിയിരിക്കുന്ന ദൃശ്യവിരുന്ന് അത്രമേല്‍ മനോഹരമാണ്. അതെ, പറഞ്ഞറിയിക്കാന്‍ കഴിയുന്നതിലും അപ്പുറം.
വയനാട് ജില്ലയുടെ ഒത്തനടുവിലായി സ്ഥിതിചെയ്യുന്ന മലയാണ് കുറുമ്പാലക്കോട്ട.
പേരില്‍ കോട്ടയുണ്ടെങ്കിലും ഇവിടെ കോട്ടയുടെ ശേഷിപ്പുകളൊന്നും കാണാനില്ല. പഴശിയും ബ്രിട്ടീഷ് സൈന്യവും ഏറ്റുമുട്ടിയവേളയില്‍ പഴശിയുടെ സൈന്യം ഈ മലയില്‍ തമ്പടിച്ച് പടനയിച്ചെന്നാണ് ഐതിഹ്യം. അന്നിവിടെ കോട്ട പണിതെന്നും പറയുന്നു. അതുകൊണ്ടാണത്രേ ഈ പ്രദേശത്തിന് കുറുമ്പാലക്കോട്ടയെന്ന് പേരുവന്നത്. എന്തായാലും നിലവില്‍ വയനാട്ടിലെത്തുന്ന വിനോദസഞ്ചാരികളുടെ ഹോട്ട് സ്പോട്ടാണ് ഇവിടം. രാവിലത്തെ സൂര്യോദയവും, വൈകിട്ടത്തെ അസ്തമയവുമെല്ലാം ഏറെ മനോഹരം.
പുലര്‍ച്ചെ മുതല്‍തന്നെ കുറുമ്പാലക്കോട്ടയിലേക്കുള്ള റോഡുകളിലെല്ലാം സഞ്ചാരികളുടെ തിരക്കാണ്.
ബുള്ളറ്റുകളിലും ബൈക്കുകളിലും എത്തുന്ന യുവാക്കള്‍ക്ക് പുറമേ കുടുംബസമേതം മലകയറാനെത്തുന്നവരും കുറവല്ല. രാവിലത്തെ സൂര്യോദയം തന്നെയാണ് കുറുമ്പാലക്കോട്ടയിലെ ഹൈലൈറ്റ്. ട്രക്കിങിന് താത്പര്യമുള്ളവര്‍ക്ക് ഏറെപ്രിയങ്കരമാകുന്നതാണ് മലമുകളിലേക്കുള്ള വഴി. നേരത്തെ വഴിതെളിയിച്ച് പോകേണ്ട സ്ഥിതിയുണ്ടായിരുന്നെങ്കിലും ഇപ്പോള്‍ വഴിയെല്ലാം കൃത്യമായി മനസിലാക്കാം.
കുറുമ്പാലക്കോട്ട ക്ഷേത്രത്തിന് സമീപം വാഹനം പാര്‍ക്ക് ചെയ്ത് അല്‍പം സാഹസികതനിറഞ്ഞ വഴിയിലൂടെയാണ് മലയിലേക്കുള്ള യാത്ര ആരംഭിക്കുന്നത്.
കുത്തനെയുള്ള കയറ്റവും ചെങ്കുത്തായ നടപ്പാതയു.