എന്തിനും ഏതിനും ആന്റി ബയോട്ടിക്കുകൾ!

ആന്റിബയോട്ടിക് സംയുക്തങ്ങൾ കലർന്ന മരുന്ന് വാങ്ങി കഴിക്കുന്ന മലയാളിയുടെ ശൈലി വൻ വെല്ലുവിളി ഉയർത്തുന്നു

എന്തിനും ഏതിനും ആന്റി ബയോട്ടിക്കുകൾ ഉപയോഗിക്കുമ്പോൾ മനുഷ്യൻ ആരോഗ്യത്തെ അപകടത്തിലേക്കാണ് തള്ളിവിടുന്നതെന്നത് മറക്കുകയാണ്.
വിളകളിലെ കീടാണുബാധ തടയാൻ ആന്റിബയോട്ടിക്ക് ഗുളികകൾ... ഇറച്ചിക്കോഴികൾ പെട്ടെന്ന് വളരാനും തൂക്കം വയ്ക്കാനും ആന്റിബയോട്ടിക്ക്... നിലവാരമുള്ള പാൽ ചുരത്താൻ ആന്റിബയോട്ടിക്ക്....ഇങ്ങനെ ഭക്ഷണത്തിലൂടെയും വായുവിലൂടെയും ആന്റിബയോട്ടിക്കുകൾ ശരീരത്തിൽ ചെന്നുചെന്ന്, അവസാനം ചികി‍ൽസയുടെ ഘട്ടം വരുമ്പോൾ ശരീരം മരുന്നുകളോടു പ്രതികരിക്കാത്ത അവസ്ഥ വരുന്നു.
ചെടികളിലും കോഴി ഉൾപ്പെടെ ഇറച്ചിക്കാവശ്യമായി വളർത്തുന്ന ജീവികളിലും രോഗപ്രതിരോധത്തിനും ക്രമാനുഗതമായ വളർച്ചയ്ക്കും ആന്റിബയോട്ടിക്കുകൾ ഉപയോഗിക്കുന്നത് പ്രകൃതിയെ വൻ ദുരന്തത്തിലേക്ക് എത്തിക്കുന്നുണ്ട്.
ശസ്ത്രക്രിയകളുടെ വിജയത്തിന് ആന്റിബയോട്ടിക് മരുന്നുകൾ ഒഴിച്ചു കൂടാനാവാത്തതാണ്.
മുറിവ് ഉണക്കുന്നതിൽ മുഖ്യ പങ്കു വഹിക്കുന്നത് ആന്റിബയോട്ടിക്കുകൾ ആണ്. എന്നാൽ ചുമ, മൂത്രനാളിയിലെ അണുബാധ തുടങ്ങി താരതമ്യേന ചെറിയ രോഗങ്ങൾക്കു പോലും ആന്റിബയോട്ടിക്കുകൾ ഉപയോഗിക്കുന്നത് രോഗശമനം എളുപ്പമാക്കുമെങ്കിലും ഇതൂ മൂലം ഉണ്ടാകുന്ന പ്രതിസന്ധി ഡോക്ടർമാരെയും ഗവേഷകരെയും വലയ്ക്കുന്നുണ്ട്.നിസാര രോഗങ്ങൾക്കു പോലും മെഡിക്കൽസ്റ്റോറിൽ പോയി ആന്റിബയോട്ടിക് സംയുക്തങ്ങൾ കലർന്ന മരുന്ന് വാങ്ങി കഴിക്കുന്ന മലയാളിയുടെ ശൈലി വൻ വെല്ലുവിളി ഉയർത്തുന്നു. മരുന്ന് കുറിപ്പടി എഴുതുമ്പോൾ ഇക്കാര്യത്തിൽ ജാഗ്രത വേണമെന്ന് പ്രമുഖ ആശുപത്രി മാനേജ്മെന്റുകൾ ഡോക്ടർമാർക്ക് നിർദേശം കൊടുത്തു കഴിഞ്ഞു.
ഇന്ത്യയിൽ സാംക്രമിക രോഗങ്ങൾ മൂലം മരണമടയുന്നവരുടെ എണ്ണം അമേരിക്കയിലേതിനേക്കാൾ രണ്ടിരട്ടി കൂടുതലാണെന്നാണ് പഠനം.
ഇന്ത്യയിൽ ഒരു ലക്ഷം പേരിൽ ഏകദേശം 416.75 പേർ സാംക്രമിക രോഗങ്ങൾ മൂലം മരണമടയുന്നുണ്ട്. ശരിയായ മരുന്ന് ശരിയായ അളവിൽ കൃത്യ സമയത്തു കഴിക്കുകയാണ് രോഗശമനത്തിനുള്ള പ്രധാന മാർഗം. ഇത് ഉപേക്ഷിച്ച്, ഡോക്ടറുടെ കുറിപ്പടിയില്ലാതെ തോന്നുംപോലെ ആന്റിബയോട്ടിക്കുകൾ ഉപയോഗിക്കാൻ തുടങ്ങുമ്പോഴാണു പ്രശ്നം തുടങ്ങുന്നത്. പകർച്ച വ്യാധികളുടെ ഭീഷണി തടയണമെങ്കിൽ ആന്റിബയോട്ടിക്കുകൾ ചിട്ടയായി ഉപയോഗിക്കണം.
ഇന്ത്യയിൽ 89% ഡോക്ടർമാരും നിത്യവു.