ശത്രുവിനെ തുരത്താൻ സ്വയം പൊട്ടി തെറിക്കുന്ന ഉറുമ്പുകൾ

വിയന്നയിലെ നാച്ചുറൽ ഹിസ്റ്ററി മ്യൂസിയത്തിലെ വിദഗ്ധരാണ് ഈ പ്രത്യേക വിഭാഗത്തിൽപ്പെട്ട ഉറുമ്പുകളെ പറ്റിയുള്ള പഠനം നടത്തിയത്

ശരീരത്തിലാകെ വിഷം നിറച്ച് ശത്രുക്കളെ കാത്തിരിക്കുന്ന ഒരു കൂട്ടരുണ്ട്. ഉറുമ്പുകളാണ് താരം
ശത്രുക്കളെ വകവരുത്താനും സ്വയംപ്രതിരോധം തീർക്കാനുമൊക്കെ മനുഷ്യൻ ഉൾപ്പെടെയുള്ള ജീവിവർഗം വ്യത്യസ്തമായ മാർഗങ്ങൾ സ്വീകരിക്കാറുണ്ട്. ഒരു ജനതയെ സംരക്ഷിക്കാന്‍ സ്വജീവന്‍ നഷ്ടപ്പെടുത്തി ശത്രുക്കളെ തുരത്തിയ നിരവധി പോരാളികളെ നമുക്കറിയും. മനുഷ്യരില്‍ മാത്രമല്ല ജിവി വര്‍ഗ്ഗങ്ങളിലുമുണ്ട് ഇത്തരം ചാവേറുകള്‍. ശരീരം മുഴുവൻ വിഷംനിറച്ച് കാത്തിരുന്ന് ശത്രുക്കൾ സമീപത്തെത്തുമ്പോൾ സ്വയംപൊട്ടിത്തെറിക്കുന്ന ചാവേറുകളായ ജീവികളുണ്ട്. മലേഷ്യയിലെ ബോർണിയോ വനത്തിലെ ഉറുമ്പുകളാണ് കഥയിലെ താരം.
സ്വയംപൊട്ടിത്തെറിക്കുന്ന ചാവേർ ഉറുമ്പുകളെ കുറിച്ച് കേട്ടിട്ടുണ്ടോ?
കൊളോബോപ്സിസ് എക്സ്പ്ലോഡൻസ് (Colobopsis explodens) എന്നാണ് ഈ ചാവേർ സംഘത്തെ ശാസ്ത്രലോകം വിളിക്കുന്നത്. ശത്രുക്കളില്‍ നിന്നും തങ്ങളുടെ കൂടും മറ്റ് സഹ ഉറുമ്പുകളെയും സംരക്ഷിക്കുന്നതിനായി സ്വയം പൊട്ടിത്തെറിക്കുകയാണ് ഇവയുടെ രീതി. സ്വയം പൊട്ടിത്തെറിക്കുന്നതിലൂടെ ശരീത്തിനുള്ളിലെ മഞ്ഞ നിറത്തിലുള്ള ആസിഡ് പുറത്തേക്ക് വമിപ്പിക്കുന്നു. ഇതിന്റെ രുക്ഷ ഗന്ധം ശത്രുക്കള്‍ക്ക് ജിവഹാനി വരുത്തിയോ, പ്രദേശത്തു നിന്നു തുരത്തിയോ മറ്റുള്ളവയെ സംരക്ഷിക്കുകയാണ് ഇവ ചെയ്യുന്നത്. കാഴ്ചയിൽ സാധാരണ ഉറുമ്പുകളുടെ അത്രതന്നെ വലിപ്പമുള്ള ഇവയ്ക്ക് ചുവന്ന നിറമാണ്.
വൻ മരങ്ങളിലാണ് ഇവ ഏറെയും കാണപ്പെടുന്നത്.
ശത്രുക്കൾ ആക്രമിക്കാൻ എത്തിയാൽ ശരീരപേശികൾ സ്വയം സങ്കോചിപ്പിച്ചാണ് വിഷദ്രാവകം ഉത്പാദിപ്പിക്കാൻ ഇവയ്ക്ക് സാധിക്കുന്നത്. ഇത് വഴി ശത്രുക്കൾ മരണപ്പെടുകയോ പിന്തിരിയുകയോ ചെയ്യും. എന്നാൽ ഇതല്ല വിശേഷം, ഈ വർഗത്തിൽപ്പെട്ട എല്ലാ ഉറുമ്പുകൾക്കും സ്വയം പൊട്ടിത്തെറിക്കാൻ കഴിയില്ല. ഉറുമ്പ് കോളനിയിൽ നിന്നും പ്രത്യേകം നിയോഗിക്കപ്പെട്ട പടയാളികൾ മാത്രമാണ് ഇത്തരത്തിൽ ജീവൻ കളഞ്ഞ് മറ്റുള്ളവരെ സംരക്ഷിക്കുന്നത്. സൂ കീസ്‌ എന്ന ജേർണലിലാണ് കൊളോബോപ്സിസ് എക്സ്പ്ലോഡൻസിനെപ്പറ്റിയുള്ള പഠനവിവരങ്ങളുള്ളത്.
വിയന്നയിലെ നാച്ചുറൽ ഹിസ്റ്ററി മ്യൂസിയത്തിലെ വിദഗ്ധരാണ് ഈ പ്രത്യേക വിഭാഗത്തിൽപ്പെട്ട ഉറുമ്പുകളെ പറ്റിയുള്ള പഠനം.