വായു മലിനീകരണം അന്തരീക്ഷത്തിൽ നിന്ന് ഇനി കൃത്യതയോടെ അളക്കാം

നൂതന സ്പെക്ട്രോസ്കോപ് വികസിപ്പിച്ച് എൻ.ഐ.ടി. കോഴിക്കോട്ട് നൈട്രേറ്റ് റാഡിക്കിൾ സാന്നിധ്യം

അന്തരീക്ഷ മലിനീകരണം ഇനി കൃത്യതയോടെ അളക്കാനുള്ള സംവിധാനം ഗവേഷകർ വികസിപ്പിച്ചു
അന്തരീക്ഷ മലിനീകരണത്തിനും കാലാവസ്ഥാ വ്യതിയാനത്തിനും കാരണമാവുന്ന വിരള വാതകങ്ങൾ (ട്രേസ് ഗ്യാസ്) അടക്കമുള്ളവയുടെ സാന്നിധ്യവും അളവും ഇനി കൃത്യമായി മനസ്സിലാക്കാം. ഇതിനായുള്ള നൂതന സ്പെക്ട്രോസ്കോപ് സംവിധാനം കോഴിക്കോട്ടെ നാഷണൽ ഇൻസ്റ്റിറ്റ്യൂട്ട് ഓഫ് ടെക്‌നോളജി(എൻ.ഐ.ടി.)യിലെ ഗവേഷകർ വികസിപ്പിച്ചു. പ്രകാശ വർണരാജി ഉപയോഗപ്പെടുത്തി വാതകസാന്നിധ്യം കണ്ടെത്തുന്ന സംവിധാനം മലിനീകരണ-കാലാവസ്ഥാ വ്യതിയാന പഠനങ്ങളിൽ വഴിത്തിരിവായേക്കും. കോഴിക്കോട് നഗരത്തിൽ കോർപ്പറേഷന്റെ സഹകരണത്തോടെ പുതിയ സംവിധാനം ഉപയോഗിച്ച് പഠനം നടത്തി.
അപകടകാരികളായ വാതകങ്ങളുടെ സൂചകമായ നൈട്രേറ്റ് റാഡിക്കിളിന്റെ (NO3) സാന്നിധ്യം ആദ്യമായി തിരിച്ചറിഞ്ഞു. ആരോഗ്യപ്രശ്‌നങ്ങൾക്കിടയാക്കുന്ന അയഡിൻ, ബ്രോമിൻ എന്നിവയുടെ സാന്നിധ്യം തീരപ്രദേശങ്ങളിലും കണ്ടെത്തി. കേരളത്തിൽ വാഹനങ്ങളുടെ പുകയിൽനിന്നാണ് പ്രധാനമായും മാരകമായ വിഷമാലിന്യം അന്തരീക്ഷത്തിലെത്തുന്നത്.
100-150 പി.പി.ടി. ആണ് കോഴിക്കോട് നഗരത്തിലെ നൈട്രേറ്റ് റാഡിക്കിളിന്റെ സാന്നിധ്യം.
പി.പി.ടി. എന്നാൽ ഒരുലക്ഷംകോടി തന്മാത്രകളിൽ ഒന്ന്. നൈട്രേറ്റ് റാഡിക്കിളിന്റെ സാന്നിധ്യം തെളിയിക്കുന്നത് അന്തരീക്ഷത്തിൽ നൈട്രജൻ ഡയോക്‌സൈഡും ഓസോണും ഉണ്ടെന്നാണ്. ഇവ കൂടിച്ചേർന്നാണ് നൈട്രേറ്റ് റാഡിക്കിൾ ഉണ്ടാവുന്നത്.
ഇത് ആസിഡ് മഴയ്ക്ക് കാരണം ആകുന്നു.
നേരിയ അളവിൽപ്പോലുമുള്ള നൈട്രജൻ ഡയോക്‌സൈഡ് ആസിഡ് മഴയ്ക്ക് കാരണമാവും. ആസ്ത്മ, ബ്രോങ്കൈറ്റിസ് തുടങ്ങിയ ശ്വാസകോശരോഗങ്ങൾക്ക് വഴിവെക്കുന്നതാണ് ഓസോൺ ഉൾപ്പെടെയുള്ള വിരളവാതകങ്ങൾ‍. കേരളത്തിലെ നഗരങ്ങളിലും ഈ രോഗങ്ങൾ കൂടുമെന്ന സൂചനയാണ് അന്തരീക്ഷത്തിൽ ഇവയുടെ സാന്നിധ്യം നൽകുന്നത്. കാലാവസ്ഥാ വ്യതിയാനത്തിലും അന്തരീക്ഷ മലിനീകരണത്തിലും നിർണായക പങ്കാണ് നൈട്രജൻ പോലുള്ളവ.
കൂടാതെ ഡയോക.