ഇന്ത്യയിലെ ആദ്യ വനിതാ ഡോക്‌ടർ

രാജ്യത്തെ പെണ്‍കുട്ടികള്‍ക്ക് വിദ്യാഭ്യാസം സ്വപ്നം പോലും കാണാൻ കഴിയാതിരുന്ന കാലത്താണ് ആനന്ദി ഗോപാല്‍ ജോഷിയുടെ ജനനം


ആനന്ദി ഗോപാല്‍ ജോഷി-ഇന്ത്യയിലെ ആദ്യത്തെ വനിതാ ഡോക്ടറെക്കുറിച്ച്‌ അറിയാം.പാശ്ചാത്യ വൈദ്യ ശാസ്ത്രത്തിൽ ബിരുദം നേടിയ ആദ്യത്തെ രണ്ട് ഇന്ത്യൻ വനിതകളിൽ ഒരാളാണ് ആനന്ദി ഗോപാൽ ജോഷി അഥവാ ആനന്ദിബായ് ജോഷി. രാജ്യത്തെ പെണ്‍കുട്ടികള്‍ക്ക് വിദ്യാഭ്യാസം സ്വപ്നം പോലും കാണാൻ കഴിയാതിരുന്ന കാലത്താണ് ആനന്ദി ഗോപാല്‍ ജോഷിയുടെ ജനനം. പൂനെയിലെ ഒരു സമ്പന്ന യാഥാസ്ഥിതിക ബ്രാഹ്മണ കുടുംബത്തിലാണ് ജനനം. യമുന എന്നായിരുന്നു ആദ്യത്തെ പേര്. 19ആം നൂറ്റാണ്ടില്‍ നിലനിന്ന ശൈശവവിവാഹത്തിന്റെ ഇരയായിരുന്നു ആനന്ദിയും .ഒമ്പതാം വയസ്സിൽ തന്നേക്കാൾ 20 വയസ്സിനു മൂപ്പുള്ള ഗോപാൽ റാവു എന്നയാളുമായി യമുനയുടെ വിവാഹം നടത്തപ്പെട്ടു. അദ്ദേഹമാണ് യമുനയുടെ പേര് ആനന്ദിബായ് എന്നു മാറ്റിയത്. സ്ത്രീകളുടെ വിദ്യാഭ്യാസത്തെ പിന്തുണച്ചിരുന്ന ഒരു പുരോഗമനവാദിയായിരുന്നു ഭർത്താവ് ഗോപാൽ റാവു. ആ കാലഘട്ടത്തിൽ സംസ്കൃതം പഠിക്കുന്നതിലും പ്രയോജനം ഇംഗ്ലീഷ് പഠിക്കുന്നതാണെന്ന് തിരിച്ചറിഞ്ഞ അദ്ദേഹം ആനന്ദിബായിയെ ഇംഗ്ലീഷ് വിദ്യാഭ്യാസം നേടുവാൻ സഹായിച്ചു.ആനന്ദിയുടെ 14-ആം വയസ്സിൽ അവർക്കൊരു മകൻ ജനിച്ചു. വേണ്ടത്ര വൈദ്യ സഹായം ലഭിക്കാതിരുന്നതിനാൽ 10 ദിവസം മാത്രമേ ആ കുഞ്ഞ് ജീവിച്ചിരുന്നുള്ളൂ. മകന്റെ മരണമാണ് ജീവിതത്തിൽ വഴിത്തിരിവായതും വൈദ്യം പഠിക്കാന്‍ പ്രേരിപ്പിച്ചതും .18വയസ്സിലാണ് അവര്‍ മെഡിസിന്‍ പഠനത്തിനായി അമേരിക്കയിലേക്ക് പോയത്.യാദൃച്ഛികമായി കത്തുകൾ വഴി പരിചയപ്പെട്ട, ന്യൂ ജഴ്സിയിലെ തിയോഡിക്ക കാർപെന്റർ എന്ന സ്ത്രീയുടെ സഹായത്തോടെ, വൈസ്രോയിയടക്കം ഇന്ത്യയുടെ വിവിധ ഭാഗങ്ങളിൽ നിന്നുള്ളവരുടെ സാമ്പത്തിക സഹായവുമായി 1883 ജൂണിൽ ന്യൂയോർക്കിൽ കപ്പലിറങ്ങി. സ്വന്തമായി സഹായിക്കാന്‍ കഴിയാത്തവരെ സഹായിക്കണമെന്നാണ് തന്റെ അപ്ലിക്കേഷന്‍ ലെറ്റെറില്‍ ഈ വനിത എഴുതിയത്. തപാല്‍ വകുപ്പില്‍ ഉദ്യോഗസ്ഥനായിരുന്ന ഭര്‍ത്താവ് ഗോപാല്‍ റാവു ജോഷി ഈ തീരുമാനത്തെ പിന്തുണച്ചു .വിമൻസ് മെഡിക്കൽ കോളേജ് ഓഫ് ൻസിൽ‌വാനിയയിൽ എൻറോൾ ചെയ്തു. 1886 മാർച്ച് 11-ന് എം.ഡി ബിരുദം നേടി. അങ്ങിനെ പാശ്ചാത്യ വൈദ്യത്തില്‍ ബിരുദധാരിയാകുന്ന ആദ്യ ഇന്ത്യന്‍ വനിതായായി ആനന്ദി ഗോപാല്‍ ജോഷി . ബിരുദം നേടിയ ആനന്ദി ഗോപാല്‍ ജോഷിയെക്കുറിച്ച്‌ കോളേജ് ഡീന്‍, വിക്ട.