ഹിമാചല്‍ പ്രദേശിലെ കുളുവില്‍ നിന്ന് 42 കിലോമീറ്റര്‍ കിഴക്കായി സ്ഥിതിചെയ്യുന്ന സുന്ദരമായ കസോൾ ഗ്രാമം അറിയപ്പെടുന്നത് ഇന്ത്യയിലെ മിനി ഇസ്രായേല്‍ എന്നാണ്.സമുദ്രനിരപ്പില്‍ നിന്ന് 1640 മീറ്റര്‍ ഉയരത്തിലാണ് ഗ്രാമം സ്ഥിതിചെയ്യുന്നത് .പാര്‍വതി നദിയുടെ തീരത്ത് സ്ഥിതി ചെയ്യുന്നതുകൊണ്ടു തന്നെ ഈ താഴ്വര പാര്‍വതി വാലി എന്ന പേരിലും അറിയപ്പെടുന്നു .ഇസ്രായേലില്‍ നിന്നുള്ള സഞ്ചാരികൾ കൂടുതലായി എത്തുന്ന സ്ഥലമായത് കൊണ്ടാണ് കസോളിനെ മിനി ഇസ്രായേല്‍ എന്ന് വിളിക്കുന്നത്. ജനത്തിരക്കില്ലാത്ത സ്ഥലംകൂടി ആയതുകൊണ്ടാണ് സഞ്ചാരികളെ ഇവിടേക്ക് ആകര്‍ഷിക്കുന്നത്. താഴ്വരയും, ആകാശത്തോളം നില്‍ക്കുന്ന മലനിരകളും വര്‍ഷം മുഴുവന്‍ അനുഭവപ്പെടുന്ന പ്രസന്നമായ കാലവസ്ഥയുമൊക്കെ സഞ്ചാരികളെ ഇവിടേക്ക് ആകർഷിക്കും .എന്തുകൊണ്ട് കസോൾ മിനി ഇസ്രായേൽ എന്ന് വിളിക്കുന്നു.ഭൂരിപക്ഷം ഇസ്രയേലി ചെറുപ്പക്കാരും പതിനെട്ടാം വയസ്സിൽ മിലിട്ടറിയിൽ ചേരും .പുരുഷന്മാർക്ക് രണ്ട് വർഷവും എട്ട് മാസവും ,സ്ത്രീകൾക്ക് രണ്ട് വർഷവുമാണ് സർവീസ് കാലാവധി .അതുകൊണ്ട് തന്നെ സർവീസ് കാലാവധി കഴിഞ്ഞ് സമാധാനത്തോടെ ആഘോഷങ്ങൾക്കായി ചിലവിടാൻ ഇവരൊക്കെ കസോളിനെ തിരഞ്ഞെടുക്കാറുണ്ട് . ഇവിടെ ലഭിക്കുന്ന കഞ്ചാവാണ് പ്രധാന കാരണം .കസോളിന് അടുത്തതായുള്ള മലാന ഗ്രാമത്തിൽ ഉത്പാദിപ്പിക്കുന്ന മലാന ക്രീം ലോക പ്രസിദ്ധമാണ് ഇത് വീര്യം കൂടിയ ഹാഷിഷാണ് .ഇത്തരം കാര്യങ്ങളാണ് ഇസ്രായേലി ചെറുപ്പക്കാരെ ഇവിടേക്ക് ആകർഷിക്കുന്നത് .പാശ്ചാത്യ ശൈലിയിലുള്ള ഭക്ഷണവും വസ്ത്രങ്ങളുമൊക്കെ ഈ കൊച്ച്‌ ഗ്രാമത്തില്‍ ലഭ്യമാണ്. ഇസ്രായേൽ ടൂറിസ്റ്റുകളുടെ വർദ്ധനവ് കാരണം നിരവധി റെസ്റ്റോറന്റുകളും ,ഇവിടെ റിസോർട്ടുകളും വർധിച്ചു വരുന്നു .ഹിമാലയന്‍ ട്രെക്കിംഗിനുള്ള ബേസ് ക്യാമ്പ് കൂടിയാണ് കസോള്‍ എന്നതും ഈ സ്ഥലത്തിൻറെ പ്രത്യേകത.Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

KASOL : A MINI ISRAEL IN HIMACHAL PRADESH.