ചിന്തകൾ നിയന്ത്രിക്കാൻ വയ്യേ? നിങ്ങൾക്കുണ്ടാകും ഈ രോഗം!
ഒ സി ഡി അഥവാ ഒബ്സസ്സീവ് കംപൽസീവ് ഡിസോർഡർ
നിങ്ങള്ക്ക് നിങ്ങളുടെ ചിന്തകളെ നിയന്ത്രിക്കാൻ പറ്റാത്ത അവസ്ഥ ഉണ്ടായിട്ടുണ്ടോ?നിങ്ങളുടെ മനസ്സിൽ അനിയന്ത്രിതമായി വരുന്ന നിരവധി ചിന്തകൾ നിങ്ങളുടെ മനസിനെ ഭരിക്കുന്ന അവസ്ഥയാണ് ഒ സി ഡിയുടെ അഥവാ ഒബ്സസ്സീവ് കംപൽസീവ് ഡിസോർഡറിന്റെ തുടക്കം

ഇത്തരത്തിൽ തുടർച്ചയായ മാനസ്സികസമ്മർദ്ദങ്ങളിൽപ്പെട്ട് ജീവിക്കേണ്ടിവരുമ്പോൾ അത് വ്യക്തി, കുടുംബ, സാമൂഹ്യ ജീവിതത്തിലും, ഇത് അയാളുടെ/അവളുടെ മറ്റ് കഴിവുകളെയും സാരമായി ബാധിക്കുമ്പോഴാണ്, അങ്ങിനെയുള്ളവരുടെ ജീവിതം അവരവർക്കും മറ്റുള്ളവർക്കും ദുസ്സഹമായിത്തീരുന്നത്. അമിതമായ, അകാരണമായ ഒരു ഉൾപേടി/ഭയം/സംശയം/ആകാംക്ഷ എന്നീ അവസ്ഥകൾക്ക് വ്യക്തി അടിമപ്പെടുന്നു എന്നതാണ് വസ്തുത.

2‐5% ആളുകൾക്ക് ഇങ്ങിനെയൊരു മാനസ്സിക അവസ്ഥ ഉണ്ടെന്നതാണ് കണക്കുകൾ സൂചിപ്പിക്കുന്നത്.
. സാധാരണയായി ഇങ്ങിനെയുള്ള പ്രശ്നങ്ങൾ ആൺപെൺ വ്യത്യാസമില്ലാതെ, കൂടുതലായും മുതിർന്നവരിൽ (30 വയസ്സിന് മേൽ) കാണുന്നതിനാൽ അവരെ ഇത്തരം പ്രവൃത്തികളിൽ നിന്ന് തിരുത്താനോ ഉപദേശിക്കുവാനോ ആരും ശ്രമിക്കാറുമില്ല. അത് അവരുടെ സ്വഭാവമാണെന്ന് കരുതി അവഗണിക്കാറാണ് പതിവ്. എന്നാൽ ശരീരത്തിന് ചികിത്സ നൽകാൻ വെമ്പുന്നവർ ഇങ്ങിനെയുള്ള മാനസ്സിക പ്രശ്നങ്ങളെ നിസ്സാരവൽക്കരിക്കുകയും, മറ്റുള്ളവർ അറിഞ്ഞാൽ നാണക്കേടാണ് എന്ന് കരുതി ഡോക്ടർമാരിൽ നിന്നും വീട്ടുകാരിൽ നിന്നും മറച്ചുപിടിയ്ക്കാൻ ശ്രമിക്കുന്നതുമാണ് കണ്ടുവരുന്നത്

ഈ രോഗാവസ്ഥ പരിഗണിച്ചാൽ തുടർച്ചയായ, അനിയന്ത്രിതമായ, മനസ്സിനെ അലോസരപ്പെടുത്തുന്ന ഇത്തരം ചിന്തകളെ ''ഒബ്സഷൻ'' എന്നും, ഇതിനെത്തുടർന്നുണ്ടാവുന്ന പ്രവൃത്തികളെ 'കംപൽഷൻ' എന്നും പറയുന്നു.

ചിലരിൽ ചിന്തകൾകൊണ്ട് മനസ്സ് പ്രക്ഷുബ്ദമാവുമ്പോൾ മറ്റുചിലർ ഇതിൽ നിന്നും രക്ഷപ്പെടുന്നതിനായി തുടച്ചയായി ഒരേ പ്രവൃത്തികൾ തന്നെ ചെയ്യാൻ നിർബ്ബന്ധിതരാവുന്നു. ഈ രോഗത്തിന്റെ / രോഗിയുടെ യഥാർത്ഥവശം ചിന്തിച്ചാൽ തന്റെ ചിന്തകളും അതിനെ തുടർന്ന് ചെയ്യുന്ന പ്രവർത്തികളും അസംബന്ധമാണെന്നും അടിസ്ഥാനരഹിതമാണെന്നും രോഗിയ്ക്ക് തന്നെ അറിയാം എന്നതാണ്. പക്ഷെ സ്വയം നിയന്ത്രിയ്ക്കാനാവാതെ ഇത്തരം അവസ്ഥകൾക്ക് രോഗി കീഴ്പ്പെട്ടുപോവുന്നു എന്നതാണ് സത്യം


രോഗങ്ങളും, രോഗാണുക്കളും,.