വിപ്ലവ പോരാളി ചെഗുവേരയുടെ മകള്‍ കണ്ണൂരിലെത്തുന്നു


ക്യൂബന്‍ ഐക്യദാര്‍ഢ്യ സമ്മേളനത്തില്‍ പങ്കെടുക്കാനാണ് അലൈഡ കണ്ണൂരില്‍ എത്തുന്നത്




സാമ്രാജ്യത്വത്തിനെതിരെയുള്ള ഐതിഹാസിക പോരാട്ടത്തിനിടയില്‍ പിടിക്കപ്പെടുകയും പിന്നീട് വെടിയേറ്റ് മരിക്കുകയും ചെയ്ത വിപ്ലവകാരി ചെഗുവേരയുടെ മകള്‍ അലൈഡ ഗുവേര ഈ മാസം 29 ന് കണ്ണൂരിലെത്തും. നായനാര്‍ അക്കാദമിയില്‍ സംഘടിപ്പിക്കുന്ന ക്യൂബന്‍ ഐക്യദാര്‍ഢ്യ സമ്മേളനത്തില്‍ പങ്കെടുക്കാനാണ് അലൈഡ കണ്ണൂരില്‍ എത്തുന്നത്. 1997 ലാണ്‌ അവസാനമായി അലൈഡ കേരളം സന്ദര്‍ശിച്ചത്.ലാറ്റിനമേരിക്കയുടെ ചരിത്രം പറയുന്ന വിവിധ പുസ്തകങ്ങളുടെ പ്രകാശനവും ചടങ്ങില്‍ നടക്കും. സിപിഐഎം കണ്ണൂര്‍ ജില്ലാ കമ്മിറ്റിയും പ്രസാധനരംഗത്തെ പെണ്‍കൂട്ടായ്മയായ തൃശൂര്‍ സമതയും ചേര്‍ന്നാണ് പരിപാടി സംഘടിപ്പിക്കുന്നത്.ലേകത്തെ അറിയപ്പെടുന്ന മനുഷ്യാവകാശ പ്രവര്‍ത്തകരില്‍ ഒരാളാണ് അലൈഡ. ചെഗുവേരയുടെ നാല് മക്കളില്‍ മൂത്തവളായ അലൈഡ ഇപ്പോള്‍ ക്യൂബന്‍ തലസ്ഥാനമായ ഹവാനയില്‍ കുട്ടികളുടെ ആശുപത്രിയില്‍ ഡോക്ടറായി സേവനമനുഷ്ഠിച്ചുവരികയാണ്.ഷാവേസ്, വെനസ്വേല ആന്റ് ദി ന്യൂ ലാറ്റിനമേരിക്ക എന്നിവ അലൈഡയുടെ പ്രധാനപ്പെട്ട കൃതികളാണ്. അലൈഡയ്ക്ക് ഏഴ് വയസ്സുള്ളപ്പോഴാണ് കോംഗോയുടെ വിമോചനസമരത്തിന്റെ ഭാഗമായി ചെഗുവേര ബൊളീവിയന്‍ കാടുകളില്‍ വെച്ച്‌ പിടിക്കപ്പെടുകയും പിന്നീട് വെടിയേറ്റ് മരിക്കുകയുമായിരുന്നു.ക്യൂബയുടെ തലസ്ഥാനമായ ഹവാനയിലെ കുട്ടികളുടെ ആശുപത്രിയില്‍ ഡോക്ടറായി സേവനം അനുഷ്ഠിക്കുകയാണ് എലൈഡ. അംഗോള, ഇക്വഡോര്‍, നിക്കരാഗ്വ എന്നിവിടങ്ങളിലും അവര്‍ പ്രവര്‍ത്തിച്ചിട്ടുണ്ട്.ഏണസ്റ്റോ ചെ ഗുവേരയുടെ രക്തസാക്ഷിത്വത്തിന്റെ അമ്പതാം വാര്‍ഷിക വേളയിൽ അവർ പറഞ്ഞ വാക്കുകൾ ശ്രദ്ധേയമായിരുന്നു .മാനവരാശിയെ ഒന്നാകെ നശിപ്പിക്കാന്‍ അധികാരശക്തികള്‍ ശ്രമിക്കുകയാണെന്നും ഇത് ഉണര്‍ന്നിരിക്കേണ്ട സമയമാണെന്നുമാണ് അന്നവർ ഓർമ്മിപ്പിച്ചത് .”മഹാനായ കമ്മ്യൂണിസ്റ്റ്കാരനും ,ലോകമെങ്ങുമുള്ള വിപ്ലവപോരാട്ടങ്ങളുടെ ഊര്‍ജമാണ് തന്റെ പിതാവ് , താന്‍ ഉയര്‍ത്തുന്ന കാര്യങ്ങളില്‍ ഏറെ കണിശതയും കൃത്യതയുമുള്ളയാളായിരുന്നു , ഒപ്പം ഏറെ സ്നേഹം പ്രകടിപ്പിക്കുന്ന വ്യക്തിയായിരുന്നു .ലോകത്തിലെ വിപ്ലവയുവതയുടെ ആവേശവുമായിരുന്ന തൻറെ പിതാവിനെ അലൈഡ ഓര്‍ക്കുന്നത് ഇങ്ങനെയൊക്കെയാണ് . അർജന്റീനയിൽ ജനിച്ച സോഷ്യലിസ്റ്റ് വിപ്ലവകാരിയും അന്തർദേശീയ ഗറില്ലകളുടെ നേതാവും .