ബുർജ് ഖലീഫയിൽ 22 വീടുകൾ സ്വന്തമാക്കിയ മലയാളി

1976-ൽ തൃശ്ശൂരിൽനിന്ന് എയർ കണ്ടീഷൻ ബിസിനസുമായാണ് ജോർജ് എന്ന 21-കാരൻ മുംബൈയിൽനിന്ന് വിമാനംകയറുന്നത്



ലോകത്ത് തന്നെ ഏറ്റവും കൂടുതല്‍ ഉയരമുള്ള കെട്ടിടമായ ബുര്‍ജ് ഖലീഫയില്‍ ഏറ്റവുമധികം അപ്പാര്‍ട്ട്മെന്റുകള്‍ സ്വന്തമാക്കിയിട്ടുള്ളവരില്‍ ഒരു മലയാളിയുമുണ്ട്. 828 മീറ്റർ ഉയരമുള്ള ഈ കൂറ്റൻ കെട്ടിടത്തിൽ ഏറ്റവുമധികം അപ്പാർട്ട്‌മെന്റുകളുള്ളവരിൽ ഒരാൾ ഒരു മലയാളിയാണെന്നറിയുമ്പോൾ മലയാളക്കരയുടെ അഭിമാനംകൂടിയാവുകയാണത്. ബുർജ് ഖലീഫയിലെ 900 അപ്പാർട്ട്‌മെന്റിൽ 22 എണ്ണം സ്വന്തമായുള്ള തൃശ്ശൂർ അഴഗപ്പനഗറിനടുത്ത മണ്ണംപേട്ട സ്വദേശി ജോർജ് നെരേപ്പറമ്പിലാണ് ആ മലയാളി. യു.എ.ഇ.യിലെ സാമൂഹിക-സാംസ്കാരിക മേഖലയിലെല്ലാം നിറഞ്ഞുനിൽക്കുന്ന ഈ ബിസിനസ് പ്രമുഖന് മറ്റൊരു വിശേഷണംകൂടി സ്വന്തമാണ്-നെടുമ്പാശ്ശേരി വിമാനത്താവളത്തിന് ചുക്കാൻ പിടിക്കുന്ന സിയാലിന്റെ ഏറ്റവും വലിയ ഓഹരിയുടമകളിൽ ഒരാൾകൂടിയാണ് അടുപ്പക്കാരുടെ സ്വന്തം ജോർജേട്ടൻ.. 11-ാം വയസില്‍ അച്ഛനോടൊപ്പം അടക്ക, കുരുമുളക്, കശുവണ്ടി തുടങ്ങിയവ സംഭരിച്ചുവിറ്റ് ബിസിനസ് തുടങ്ങിയ ജോര്‍ജ് ഇന്ന് ഇന്ത്യയിലും വിദേശത്തും നിരവധി ബിസിനസ് സംരഭങ്ങളും അധിപനാണ്. കൊച്ചി അന്താരാഷ്ട്ര വിമാനത്താവള കമ്പനിയായ സിയാലിലെ പ്രധാന വ്യക്തഗത നിക്ഷേപകരിലൊരാളും അദ്ദേഹം തന്നെ.ബന്ധുവായ ഒരാളുടെ പരിഹാസം കലര്‍ന്ന തമാശയാണ് ഒരു വാശിയെന്നപോലെ ബുര്‍ജ് ഖലീഫയില്‍ ഏറ്റവുമധികം അപ്പാര്‍ട്ട്മെന്റുകള്‍ സ്വന്തമാക്കാന്‍ അദ്ദേഹത്തെ പ്രേരിപ്പിച്ചത്.ഇരുവരും ബുര്‍ജ് ഖലീഫയ്ക്ക് മുന്നില്‍ നില്‍ക്കവേ ഇതിനകത്ത് ഒന്നുകയറാന്‍ പോലും ജോര്‍ജിന് കഴിയില്ലെന്നായിരുന്നു അദ്ദേഹം പറഞ്ഞത്. അതൊരു വെല്ലുവിളിയായി ഏറ്റെടുക്കുകയായിരുന്നു. 2010ല്‍ ബുര്‍ജ് ഖലീഫയില്‍ അപ്പാര്‍ട്ട്മെന്റുകള്‍ വാടകയ്ക്ക് കൊടുക്കുന്നുവെന്ന പരസ്യം പിന്നീട് കണ്ടപ്പോള്‍ അന്നുതന്നെ കരാര്‍ ഉറപ്പിച്ച് പിറ്റേദിവസം തന്നെ താമസം അവിടേക്ക് മാറ്റി. പിന്നീട് ദുബായ് മെട്രോയിലെ ഒരു പ്രൊജക്ടില്‍ നിന്ന് ലഭിച്ച പണം ചിലവഴിച്ച് ആ അപ്പാര്‍ട്ട്മെന്റ് വിലയ്ക്ക് വാങ്ങി.പിന്നീട് ബിസിനസില്‍ നിന്നുള്ള വരുമാനം നിക്ഷേപിക്കാന്‍ മികച്ച ഒരു അവസരമാണെന്ന് മനസിലാക്കിയ അദ്ദേഹം ബുര്‍ജ് ഖലീഫയില്‍ അപ്പാര്‍ട്ട്മെന്റുകള്‍ സ്വന്തമാക്കാന്‍ തുടങ്ങി. ഇപ്പോള്‍ ബുര്‍ജ് ഖലീഫയിലെ 900 അപ്പാര്‍ട്ട്മെന്റുകളില്‍ 22 എണ്ണം ജോര്‍ജിന്റെ സ്വ.