പ്രളയം; മത്സ്യത്തൊഴിലാളികളെ നൊബേല്‍ സമ്മാനത്തിന് ശുപാര്‍ശ ചെയ്യും

2018 ആഗസ്റ്റ് മാസത്തില്‍ കേരളത്തിലുണ്ടായ പ്രളയത്തില്‍ വലിയ സേവനമാണ് മത്സ്യതൊഴിലാളികള്‍ നടത്തിയത്

കേരളത്തിന്റെ സൈന്യമെന്ന്' വിശേഷിപ്പിക്കുന്ന മത്സ്യത്തൊഴിലാളികളെ നൊബേല്‍ സമ്മാനത്തിന് ശുപാര്‍ശ ചെയ്യുമെന്നും ശശി തരൂര്‍ എംപി.
കേരളത്തിലുണ്ടായ നൂറ്റാണ്ടിലെ പ്രളയത്തിനിടെയുള്ള മത്സ്യത്തൊഴിലാളികള്‍ നടത്തിയ രക്ഷാപ്രവർത്തനം ചൂണ്ടിക്കാട്ടിയാണ് ശുപാർശ ചെയ്യുകയെന്ന് ശശി തരൂര്‍ പറഞ്ഞു. സമാധാനത്തിനുള്ള നൊബേല്‍ സമ്മാനത്തിന് പുറത്തുനിന്നുള്ള എന്‍ട്രി എന്ന നിലയില്‍ ആയിരിക്കും ശുപാര്‍ശ ചെയ്യുക എന്നാണ് വിവരം. 2018 ആഗസ്റ്റിലാണ് കേരളം അപ്രതീക്ഷിത ദുരന്തത്തിന് സാക്ഷ്യം വഹിച്ചത്. അടുത്ത കാലത്തുണ്ടായതില്‍ വെച്ച്‌ ഏറ്റവും ഭീതി പടര്‍ത്തിയതും നാശനഷ്ടം വരുത്തിയതുമായ പ്രളയത്തില്‍ ഒന്നേകാല്‍ ലക്ഷം പേരുടെ ജീവനാണ് മത്സ്യത്തൊഴിലാളികള്‍ രക്ഷിച്ചത്. പത്തനംതിട്ട, ആലപ്പുഴ, എറണാകുളം, തൃശൂര്‍ ജില്ലകള്‍ കേന്ദ്രീകരിച്ചായിരുന്നു ഇവര്‍ രക്ഷാപ്രവര്‍ത്തനത്തിനെത്തിയത്. മൂവായിരത്തിലേറെ മത്സ്യത്തൊഴിലാളികളാണ് പ്രളയത്തില്‍ മുങ്ങിക്കൊണ്ടിരുന്ന കേരള കരയെ പിടിച്ചുയര്‍ത്തിയത്. ആയിരത്തോളം വള്ളങ്ങളാണ് മൂക്കറ്റം മുങ്ങി നിന്നവരുടെ സഹായത്തിനായെത്തിയത്.
ഇവർ നടത്തിയത് വലിയ സേവനമാണ്. സേനാ വിഭാഗങ്ങള്‍ക്ക് പോലും അസാധ്യമായ ഇടങ്ങളിലേക്ക് ബോട്ടുകളുമായി എത്തി ആയിരക്കണക്കിന് പേരെയാണ് പല പ്രദേശങ്ങളിൽ നിന്നും മത്സ്യതൊഴിലാളികള്‍ രക്ഷപ്പെടുത്തിയത്.
കേരളത്തിന്‍റെ സ്വന്തം സൈനികര്‍ എന്നാണ് അന്ന് കേരള മുഖ്യമന്ത്രി പിണറായി വിജയന്‍ ഇവരുടെ സേവനത്തെ പ്രകീര്‍ത്തിച്ചത്.
ഇതിനൊപ്പം തന്നെ ബിബിസി അടക്കമുള്ള അന്താരാഷ്ട്ര മാധ്യമങ്ങളും മത്സ്യതൊഴിലാളികളുടെ സേവനത്തെക്കുറിച്ച് പ്രത്യേക ഫീച്ചറുകള്‍ പ്രസിദ്ധീകരിച്ചിരുന്നു.
പ്രളയത്തില്‍ മുങ്ങി നിന്നവരെ മുന്നും പിന്നും നോക്കാതെ കരയ്ക്കടുപ്പിച്ചവരാണ് മത്സ്യത്തൊഴിലാളികള്‍. വ്യോമ - നാവിക സേനയുടെ സഹായഹസ്തം എത്തും മുന്നേ കേരളത്തെ കാത്ത 'സൈനികര്‍' മത്സ്യത്തൊഴിലാളികളാണ്. പ്രളയം അതിജീവിച്ച കേരളത്തിന്റെ പലഭാഗങ്ങളിലും മത്സ്യത്തൊഴിലാളികള്‍ക്ക് ആദരവും സ്വീകരണവും നല്‍കിയിരുന്നു.
പത്തനംതിട്ട, എറണാകുളം ജില്ലകളിലെ അതിരൂക്ഷമായ പ്രളയക്കെടുതിയിൽ നിരവധി ജീവനുകൾ രക്ഷിച്ചത് കൊല്ലം ജില്ലയിലെ വാടിയിലേയും നീ.