ഏറ്റവും മികച്ച പ്രവാസി സൌഹൃദ രാജ്യം ബഹ്‌റൈൻ

ഇൻ്റർനാഷൻസ് ഗ്ലോബൽ സര്‍വേ’യിലാണ് ബഹ്റൈൻ രണ്ടാം തവണയും മുന്നിലെത്തിയത്.


പ്രവാസികള്‍ക്ക് മികച്ച തൊഴിലിടവും ജീവിത സൗകര്യങ്ങളും ഉറപ്പാക്കുന്ന ലോക രാജ്യങ്ങളുടെ പട്ടികയില്‍ ബഹ്റൈന് ഒന്നാം സ്ഥാനം. ‘ഇൻ്റർനാഷൻസ് ഗ്ലോബൽ സര്‍വേ’യിലാണ് ബഹ്റൈൻ രണ്ടാം തവണയും മുന്നിലെത്തിയത്.

68 രാജ്യങ്ങളിൽ നിന്നുള്ള 18,135 പ്രവാസികൾക്കിടയിൽ നടത്തിയ പഠനത്തിലാണ് ബഹ്റൈൻ പ്രവാസി സൗഹ്യദ രാജ്യങ്ങളിൽ ഒന്നാം സ്ഥാനത്തെത്തിയത്.പ്രവാസികൾക്ക് ജീവിക്കാനും തൊഴിലെടുക്കാനും മേഖലയിലെ അനുയോജ്യമായ രാജ്യം എന്ന നിലയിൽ തായ്വാൻ, ഇക്വഡോർ, മെക്സിക്കോ, സിങ്കപ്പൂർ എന്നിവരുടെ അടുത്തായാണ് ബഹ്റൈൻ്റെ സ്ഥാനം.
ഇൗ വർഷം ഫെബ്രുവരി 15 മുതൽ മാർച്ച് ഏഴു വരെയുള്ള നാളുകളിലാണ് ജർമനി കേന്ദ്രമായി പ്രവർത്തിക്കുന്ന ഇൻ്റർനാഷൻസ് ഈ വിഷയത്തിൽ പഠനം നടത്തിയത്.പ്രവാസികൾക്ക് പ്രിയങ്കരമായ സംസ്കാരമാണ് ബഹ്റൈനിലേതെന്നും രാജ്യത്തെ ജോലി സമയം ത്യപ്തികരമാണെന്നും സർവെയിൽ പങ്കെടുത്തവർ അഭിപ്രായപ്പെട്ടു. ലളിതമായ താമസ സൗകര്യങ്ങളും പ്രവാസികളുടെ കുട്ടികൾക്കുള്ള വിദ്യാഭ്യാസം ഒരുക്കുന്ന കാര്യത്തിലും ബഹ്റൈൻ മികച്ചു നിൽക്കുന്നതായി പഠനം വെളിപ്പെടുത്തുന്നു. രാജ്യത്തെ തൊഴിൽ സുരക്ഷിതത്വത്തിന്റെ ബഹ്റൈന് ഒന്നാം സ്ഥാനം നൽകുവാനുള്ള മാനദണ്ഡമായി പരിഗണിക്കപ്പെട്ടു.

Bahrain as best for foreigners.