പൂര്‍ണ നഗ്‌നരായി കേംബ്രിഡ്ജ് യൂണിവേഴ്സിറ്റി വിദ്യാര്‍ത്ഥികള്‍

പുതിയ നേകഡ് കലണ്ടര്‍ നിര്‍മ്മിക്കുന്നതിനാണ് വിദ്യാര്‍ത്ഥികള്‍ നഗ്‌നരായത്



തുണിയഴിക്കാന്‍ മനസുള്ള സുന്ദരന്മാര്‍ക്കും സുന്ദരിമാര്‍ക്കും അവസരം ഒരുക്കി കേംബ്രിഡ്ജ് യൂണിവേഴ്സിറ്റി.ചാരിറ്റിക്ക് വേണ്ടി ഫണ്ട് സ്വരൂപിക്കാനായി ഇറക്കുന്ന പുതിയ നേകഡ് കലണ്ടറിന് വേണ്ടി പോസ് ചെയ്യാനാണ് യൂണിവേഴ്സിറ്റി ഇതിന് സന്നദ്ധരായവര്‍ക്ക് അവസരമേകിയിരിക്കുന്നത്. തുണിയഴിക്കാന്‍ മനസുള്ള നിരവധി വിദ്യാര്‍ത്ഥികളാണ് നഗരത്തിലെ വിവിധയിടങ്ങളിലും കോളജ് ലൈബ്രറിയിലും ഈ കലണ്ടറിന് വേണ്ടി യാതൊരു മടിയുമില്ലാതെ പോസ് ചെയ്തിരിക്കുന്നത്.യൂണിവേഴ്സിറ്റിയുടെ വിവിധ സ്പോര്‍ട്സ് ടീമുകളില്‍ നിന്നുള്ള അംഗങ്ങളാണ് നൂല്‍ബന്ധമില്ലാതെ ക്യാമറയ്ക്ക് മുന്നില്‍ നില്‍ക്കാന്‍ സന്നദ്ധരായത്. കേംബ്രിഡ്ജിലെ പ്രധാനപ്പെട്ട ഇടങ്ങളില്‍ വച്ചായിരുന്നു ഫോട്ടോ ഷൂട്ടുകള്‍.
വോളിബോള്‍, സ്‌കീയിങ്, അമേരിക്കന്‍ ഫുട്ബോള്‍, ഫെന്‍സിങ് എന്നീ ഇനങ്ങളില്‍ കേംബ്രിഡ്ജ് യൂണിവേഴ്സിറ്റിയെ പ്രതിനിധീകരിക്കുന്ന ടീം അംഗങ്ങളും നഗ്‌ന ഫോട്ടോയെടുപ്പില്‍ പങ്കെടുത്തിരുന്നു. ബൊട്ടാണിക്കല്‍ ഗാര്‍ഡന്‍സ്, കേംബ്രിഡ്ജ് യൂണിയന്‍ തുടങ്ങിയവ ഇതില്‍ ഉള്‍പ്പെടുന്ന ലൊക്കേഷനുകളാണ്. ഇതില്‍ പങ്കെടുത്തവരെല്ലാം വളരെ ആവേശഭരിതരായിരുന്നുവെന്നാണ് സ്റ്റുഡന്റ് ഓര്‍ഗനൈസറായ ലാഡിസ്ലായ ലാഡന്‍യി പറയുന്നത്.ഇതുപയോഗിച്ചുണ്ടാക്കുന്ന കലണ്ടര്‍ പത്ത് പൗണ്ടിനാണ് വില്‍ക്കുന്നത്. ബീറ്റിങ് ഡിസ്‌ഓര്‍ഡേര്‍സ്, മേരിസ് മീല്‍സ്, പാപ്പിറസ് , കേംബ്രിഡ്ജ് റേപ് ക്രൈസിസ് സെന്റര്‍ എന്നീ ചാരിറ്റികള്‍ക്കാണ് ഇതില്‍ നിന്നുള്ള വരുമാനം നല്‍കുന്നത്.

Cambridge University naked photo shoot.